បរទេស៖ អ្នកចាត់ការទូទៅក្រុម Tottenham លោក Nuno Espirito Santo បាននិយាយថា Harry Kane អាចចូលលេង ក្នុងការប្រកួតបើកឆាក Premier League ទល់នឹងក្រុម Manchester City នៅថ្ងៃអាទិត្យនេះ។
គួរបញ្ជាក់ថាខ្សែប្រយុទ្ធឆ្នើមជូរមុខរូបនេះត្រូវបានផ្សារភ្ជាប់យ៉ាងខ្លាំងក្នុងការផ្ទេរទៅកាន់ក្រុម ជើងឯក Premier League នៅរដូវក្តៅនេះក្រោយពី កីឡាករវ័យ ២៨ ឆ្នាំរូបនេះបានអវត្តមាន មក ហ្វឹកហាត់មុនរដូវកាលថ្មីចាប់ផ្តើម។ ទោះយ៉ាងណាKaneបានបដិសេធថាគាត់មិនមានចេតនាមក ហ្វឹកហាត់និងបានបញ្ជាក់ ថារូបលោកនិងវិលត្រលប់មកតាមកាលវិភាគវិញចាប់តំាងពីថ្ងៃសៅរ៍ចុងសប្តាហ៏មុនមកម្លេះ។
ទោះយ៉ាងណា Spurs មានការស្ទាក់ស្ទើរក្នុងការលក់កីឡាករឆ្នើមទោះបីជាពួកគេទាមទារប្រាក់តម្លៃខ្លួន ១៦០ លានផោនស្របពេលកីឡាកររូបនេះនៅសល់កិច្ចសន្យា ៣ ឆ្នាំទៀត។ទោះយ៉ាងណាអ្នកចាត់ការសញ្ជាតិព័រទុយហ្គាល់បានបញ្ជាក់ថាកិច្ចពិភាក្សានឹងត្រូវធ្វើឡើងជាមួយ Kane ដើម្បីកំណត់លទ្ធផលវិជ្ជមាន ឆ្ពោះទៅមុខ។អតីតអ្នកចាត់ការទូទៅក្រុមWolver បន្តថាៈ ជាដំបូងយើងត្រូវនិយាយអំពីអ្វីដែលនឹងកើតឡើងហើយបន្ទាប់ពីនោះយើងសង្ឃឹមថានឹងអាចដោះស្រាយបានគ្រប់ស្ថានភាពទាំងអស់៕
ប្រភពព័ត៍មាន៖ Sportsmole