បរទេស៖ ក្លិបយក្សរបស់ក្របខ័ណ្ឌ Premier League បានជម្នះលើវិបត្តិហិរញ្ញវត្ថុដោយសារតែវីរុសកូវីដ ១៩ ម្តងទៀត នៅមុនពេលការចាប់ផ្តើមរដូវកាលថ្មី នៅរាត្រីនេះ ខណៈដែលក្រុមខ្លាំងចំនួន៤ ត្រូវបានរំពឹងទុកថា នឹងធ្វើការប្រជែងដណ្តើមពានគ្នាយ៉ាងស្វិតស្វាញ។
ក្រុមម្ចាស់ការពារតំណែងជើងឯក Manchester City បានបំបែកកំណត់ត្រាផ្ទេរក្នុងក្របខ័ណ្ឌកំពូលអង់គ្លេស តាមរយៈការជះប្រាក់ចំនួន១០០លានផោន (ស្មើនឹង១៣៨លានដុល្លារអាមេរិក) ដើម្បីទិញខ្សែបម្រើ Jack Grealish។ ជាមួយគ្នានេះ ពួកគេក៏សម្លឹងរកការការពារពានរង្វាន់របស់ខ្លួន ក្រោយការដឹកនាំរបស់លោកគ្រូបង្វឹក Pep Guardiola ផងដែរ។ ប៉ុន្តែ ទោះបីជាយ៉ាងណា ក្រុមម្ចាស់ការពារជើងឯកប្រចាំទ្វីបអឺរ៉ុប Chelsea បានបង្ហាញថា ពួកគេមានសមត្ថភាពក្នុងការផ្តួលក្រុម Man City ចំនួន៣លើក កាលពីចុងរដូវកាលមុន ហើយក៏ជាក្រុមមានមហិច្ឆតាក្នុងាករដណ្តើមពាន Premier League ផងដែរ ក្រោមការដឹកនាំរបស់លោក Thomas Tuchnel។ ជាមួយគ្នានេះ Manchester United ក៏បានចំណាយប្រាក់ច្រើនជាង១០០លានផោន ទៅលើ Jadon Sancho និង Raphael Varane ផងដែរ ស្របពេលដែល Liverpool ហាក់ដូចជាមានភាពខ្លាំងជាងមុន ក្រោយពីជួបភាពត្រដាបត្រដួសក្នុងរដូវកាលឆ្នាំ២០២០-២០២១។ ដោយឡែក ការប្រកួតដែលនឹងត្រូវបើករដូវកាលឆ្នាំ២០២១-២០២២ តម្រូវទៅលើការជួបគ្នារវាងក្រុម Brentford និង Arsenal នៅរាត្រីថ្ងៃសុក្រ៕
កម្មវិធីប្រកួតនៅចុងសប្តាហ៍
ថ្ងៃសុក្រ ទី១៣ ខែសីហា ឆ្នាំ២០២១
Brentford Vs Arsenal ម៉ោង 2 ទៀបភ្លឺ
ថ្ងៃសៅរ៍ ទី១៤ ខែសីហា ឆ្នាំ២០២១
Manchester Utd Vs Leeds ម៉ោង 6:30 ល្ងាច
Burnley Vs Brighton ម៉ោង 9 យប់
Chelsea Vs Crystal Palace ម៉ោង 9 យប់
Everton Vs Southampton ម៉ោង 9 យប់
Leicester Vs Wolves ម៉ោង 9 យប់
Watford Vs Aston Villa ម៉ោង 9 យប់
Norwich Vs Liverpool ម៉ោង 11:30 យប់
ថ្ងៃអាទិត្យ ទី១៥ ខែសីហា ឆ្នាំ២០២១
Newcastle Vs West Ham ម៉ោង 8 យប់
Tottenham Vs Manchester City ម៉ោង 10 យប់
ប្រភពព័ត៌មាន៖ Channel News Asia
