បរទេស៖ លោក Jurgen Klopp ថារូបលោកមិនមានការភ្ញាក់ផ្អើលអ្វីនោះទេនៅពេលដែលឃើញក្លឹបគូប្រជែង Man City, Chelsea និង Man United បានចំណាយប្រាក់ដ៏ច្រើនសន្ធឺកសន្ធាប់ច្រើនជាង Liverpool នៅរដូវក្តៅនេះ។
ប៉ុន្តែយ៉ាងណាមិញលោកJurgen Klopp ចាត់ទុកថាវាជារឿងផ្ទាល់ខ្លួនសម្រាប់ក្លឹបគូប្រជែង ខណៈគ្រូបង្វឹកសញ្ជាតិអាឡឺម៉ង់ចាត់ទុកថាLiverpool នៅតែមានផ្លូវដោះស្រាយបែបផ្ទាល់ខ្លួនដើម្បីប្រជែងពាននៅរដូវកាលនេះដដែល។ គួរបញ្ជាក់ថា ក្លឹបជើងឯកអង់គ្លេស Man. City បានបំបែកកំនត់ត្រានៅលីកកំពូលអង់គ្លេសដោយនាំយកអតីតប្រធានក្រុមAston Villa Jack Grealish មករួមក្រុមខណៈ Chelsea បានចំណាយប្រាក់បំបែកកំនត់ត្រាជាង១០០លានផោននាំយកអតីតខ្សែប្រយុទ្ធ Romelu Lukaku ត្រលប់មកក្លឹបវិញដើម្បីលេងក្រោមការដឹកនាំរបស់គ្រូបង្វឹក Thomas Tuchel ។
ទន្ទឹមនឹងនេះដែរMan.Utd ក៏បានចំណាយប្រាក់ច្រើនជាង ១០០ លានផោនដើម្បីឈានដល់កិច្ចព្រមព្រៀងមួយនាំយក កីឡាករឆ្នើម២រូបមានដូចជាខ្សែបម្រើស្លាប Jadon Sancho មកកាន់ទឹកដី Old Trafford និងខ្សែការពារកណ្តាលRaphael Varane ដែលបាននិងបញ្ចប់ការពិនិត្យសុខភាពដើម្បីបញ្ចប់ការផ្ទេរជាផ្លូវការណ៏នៅនៅចុងសប្តាហ៍នេះផងដែរ។សម្រាប់Liverpool បានត្រឺមតែបំពេញការចុះហត្ថលេខានាំយកខ្សែការពារកណ្តាលIbrahima Konate ពីក្លឹបRB Leipzig ក្នុងតម្លៃ៣៦លានផោនមករួមក្រុមតែម្នាក់ប៉ុណ្ណោះ ។ មានន័យថាក្លឹបកំពុងតែចាប់ផ្តើមដោះស្រាយបញ្ហាវិបត្តិហិរញ្ញវត្តុដែលបានរងផលប៉ះពាល់ដោយសារវិបត្តិការឆ្លងរីករាលដាលនៃមេរោគកូវីត-១៩នាពេលកន្លងទៅ ៕
ប្រភពព័ត៍មាន៖ Metro