បរទេស៖ Romelu Lukaku របស់ក្លិប Chelsea បាននិយាយកាលពីថ្ងៃចន្ទថា រូបគេជឿជាក់ថា ពេលនេះរូបនេះ «ជាខ្សែប្រយុទ្ធពេញលក្ខណៈហើយ» ខណៈដែលកីឡាករដែលមានតម្លៃខ្លួនខ្ពស់ជាងប្រចាំក្លិបមួយនេះ ត្រៀមសម្របខ្លួនរបស់គេជាថ្មីនៅកីឡដ្ឋាន Stamford Bridge។
Lukaku បានចូលរួមជាមួយនឹង Chelsea ជាថ្មី ក្នុងតម្លៃខ្លួន៩៨លានផោន (ស្មើនឹង១៣៥លានដុល្លារអាមេរិក) ពីក្លិប Inter Milan កាលពីសប្តាហ៍មុន។ កីឡាករវ័យ២៨ឆ្នាំរូបនេះ អាចនឹងបង្ហាញខ្លួនជាលើកដំបូងរបស់គេក្នុងការប្រកួតនៅលើទឹកដីក្រុម Arsenal នៅថ្ងៃអាទិត្យ សប្តាហ៍នេះ ហើយតារាឆ្នើមអន្តរជាតិបែលហ្ស៊ិករូបនេះ កំពុងតែមានគម្រោងបង្ហាញពីកម្រិតសមត្ថភាពដ៏ខ្លាំងរបស់គេ ដែលរូបគេបានអភិវឌ្ឍចាប់តាំងពីរូបគេបានលេងឲ្យក្រុមតោខៀវជាលើកចុងក្រោយ។
អស់រយៈពេលជិត១០ឆ្នាំ ក្រោយពីបានចូលរួមជាមួយនឹងក្លិបស្ថិតនៅទីក្រុងឡុងដ៍ភាគខាងលិចមួយនេះ ក្នុងនាមជាយុវជនដែលគ្មានល្បីល្បាញម្នាក់ Lukaku វិលត្រឡប់មកវិញក្នុងនាមជាខ្សែប្រយុទ្ធម្នាក់ក្នុងចំណោមខ្សែប្រយុទ្ធដ៏ឆ្នើមបំផុតក្នុងពិភពលោក។ Lukaku បានប្រាប់គេហទំព័ររបស់ Chelsea ថា៖ «ខ្ញុំមានអារម្មណ៍ថា ខ្ញុំមានសមត្ថភាពជាងមុន។ ខ្ញុំព្យាយាមបំពេញគ្រប់លក្ខខណ្ឌដែលខ្សែប្រយុទ្ធម្នាក់ត្រូវមាន ហើយខ្ញុំចង់រក្សាការធ្វើឲ្យល្អប្រសើរឡើង និងរក្សាភាពខ្លាំងរបស់ខ្ញុំ»៕
ប្រភពព័ត៌មាន៖ Channel News Asia
