បរទេស៖ Romelu Lukaku កំពុងតែត្រៀមបង្ហាញខ្លួនជាលើកដំបូងរបស់គេសម្រាប់ក្លិប Chelsea ពេលប្រកួតជាមួយនឹងក្រុម Arsenal នៅថ្ងៃអាទិត្យ ក្រោយពីខ្សែប្រយុទ្ធចំណូលថ្មីរូបនេះ បានប្រកាសថា រូបគេនឹងត្រូវពាក់អាវលេខ៩។ ខ្សែប្រយុទ្ធអន្តរជាតិបែលហ្ស៊ិក Lukaku បានចូលរួមជាមួយនឹងក្លិប Chelsea ជាថ្មីក្នុងតម្លៃខ្លួន៩៨លានផោន (ស្មើនឹង១៣៥លានដុល្លារអាមេរិក) ពីក្លិប Inter Milan កាលពីសប្តាហ៍មុន។
កីឡាករវ័យ២៨ឆ្នាំរូបនេះបានវត្តមានក្នុងពេលក្រុម Chelsea យកឈ្នះលើក្រុម Crystal Palace ក្នុងការប្រកួតបើករដូវកាលថ្មីនៃក្របខ័ណ្ឌ Premier League កាលពីថ្ងៃសៅរ៍ ដោយសារតែរូបគេជាប់ធ្វើចត្តាលីស័ក។ ប៉ុន្តែ Lukaku បានចូលរួមហ្វឹកហាត់ជាមួយនឹងសមាជិកក្រុមថ្មីរបស់គេ កាលពីថ្ងៃពុធ ពីមុខអ្នកគាំទ្រជាច្រើនរបស់ Chelsea អំឡុងពេលការហ្វឹកហាត់ដោយបើកចំហរ នាកីឡដ្ឋាន Stamford Bridge។ រូបគេកំពុងតែស្រេកឃ្លានក្នុងការបង្ហាញខ្លួនក្នុងការប្រកួតរវាងក្រុមស្ថិតក្នុងទីក្រុងឡុងដ៍ដូចគ្នា នាកីឡដ្ឋាន Emirates នាចុងសប្តាហ៍នេះ។
នៅពេលដែលត្រូវបានចោទសួរថា រូបគេអាចនឹងប៉ះជាមួយនឹងក្រុម Arsenal ឬយ៉ាងណា Lukaku បានប្រាប់អ្នកយកព័ត៌មានថា៖ «ប្រាកហើយ។ ខ្ញុំបានធ្វើការហ្វឹហាត់ពេញតែម្តង។ ចាប់ពីពេលនេះ ខ្ញុំចង់ស្គាល់មិត្តរួមក្រុមរបស់ខ្ញុំកាន់តែច្បាស់បន្ថែមទៀត។ បន្ទាប់មក ខ្ញុំអាចជួបជាមួយនឹងគ្រូបង្វឹក ប្រសិនបើគាត់ចង់ជួបជាមួយនឹងខ្ញុំ»៕
ប្រភពព័ត៌មាន៖ Channel News Asia
