បរទេស៖ ក្លិបបិសាចក្រហម Manchester United បានយល់ព្រមលើកិច្ចព្រមព្រៀងមួយជាមួយក្លិប Flamengo នៅលីកកំពូលប្រេស៊ីលដើម្បីដាក់អោយកីឡាករ Andreas Pereira លេងក្នុងលក្ខណ្ឌខ្ចីជើងសម្រាប់រដូវកាល ២០២១-២០២២ ។ ខ្សែបម្រើប្រយុទ្ធវ័យ ២៥ ឆ្នាំរូបនេះគឺជាកីឡាករម្នាក់ក្នុងចំណោមកីឡាករបិសាចក្រហមមួយចំនួនតូចដែលអាចចាកចេញពីក្លឹបមុនថ្ងៃកំណត់ទិញដូរកីឡាករនិងបិទនៅចុងខែសីហា ២០២១នេះ។
ប្រភពពីគេហទំព័រ Goal បានដឹងថាកិច្ចព្រមព្រៀងរវាងក្លឹបMan.Utd និងកីឡាករប្រេស៊ីលសម្រាប់កីឡាករវ័យ ២៥ ឆ្នាំរូបនេះក៏ព្រោះតែរូបគេចង់មាន ឪកាសជាប់ជម្រើសជាតិក្នុងព្រឹត្តការណ៏ប្រកួតពានរង្វាន់ World Cup ២០២២នៅប្រទេសកាតានាឆ្នាំក្រោយ។ Pereira អវត្តមានពីការប្រកួតមិត្តភាពរបស់ក្រុម Man United ទល់នឹង Burnley កាលពីថ្ងៃអង្គារនៅទឹកដី Old Trafford ហើយក្លឹបបើកចំហដើម្បីអនុញ្ញាតឱ្យរូបគេចាកចេញពីក្លឹបនៅរដូវក្តៅនេះ។
Pereira បានចំណាយរដូវកាលចាស់លេងខ្ចីជើងនៅ Lazio ប៉ុន្តែក្រុមអ៊ីតាលីមិនចង់ទិញផ្តាច់ក្នុងតម្លៃ ២១ លានផោន នោះទេ។កីឡាករសញ្ជាតិប្រេស៊ីលរូបនេះបានបង្ហាញទម្រង់លេង ឲ្យ ក្រុមរបស់លោក Ole Gunnar Solskjaer នៅក្នុងការប្រកួតកម្តៅសាច់ដុំរបស់ពួកគេហើយបានស៊ុតបញ្ចូលទីគ្រាប់បាល់ល្អបំផុតមួយក្នុងអាជីពរបស់គាត់ក្នុងការប្រកួតមិត្តភាពទល់នឹង Brentford៕
ប្រភពព័ត៍មាន៖ Goal