បរទេស៖ លោក Pep Guardiola គ្រូបង្វឹកក្រុមមេឃខៀវ Manchester City ស្ថិតក្នុងចំណោមអ្នកចាត់ការទូទៅនៃក្របខ័ណ្ឌ Premier League ដទៃទៀត បានជំរុញឱ្យកីឡាករទាំងអស់ត្រូវតែចាក់វ៉ាក់សាំងប្រឆាំងនឹងមេរោគកូវីត-១៩។ខណៈដែលចំនួននៃការធ្វើតេស្តវិជ្ជមានបុគ្គលិកនិងកីឡាករនៅក្របខណ្ឌ Premier League បានកើនឡើងនាពេលថ្មីៗនេះដោយមានករណីវិជ្ជមានចំនួន ១១ ត្រូវបានរាយការណ៍កាលពីថ្ងៃច័ន្ទបន្ថែមទៀត។
អ្នកចាត់ការទូទៅMikel Arteta, Nuno Espirito, Steve Bruce និង Graham Potter ក៏មានការយល់ឃើញដូច្នេះដេរ ពោលគឺពួកគេបានអំពាវនាវដល់កីឡាករទាំងអស់អោយចូលរួមចាក់វ៉ាក់សាំងអោយបានគ្រប់ៗគ្នាផងដែរ។
ទោះយ៉ាងណាអ្នកចាត់ការទូទៅក្រុមការពារតំណែងជើងឯកអង់គ្លេស Guardiola បាននិយាយថាការលើកឡើងរបស់គាត់មិនមែនសុទ្ធតែត្រឹមត្រូវដើម្បីបញ្ចុះបញ្ចូលពួកគេអោយ អនុវត្តតាមយ៉ាងដាច់ខាតនោះទេ។ គ្រូបង្វឹកសញ្ជាតិអេស្ប៉ាញរូបនេះបន្ថែមថាៈ ខ្ញុំគិតថាវេជ្ជបណ្ឌិតនាយកដ្ឋានវេជ្ជសាស្ត្រអាចធ្វើវាបានដូច្នេះកីឡាករត្រូវដឹងថាគឺដើម្បីការពារពួកគេក្រុមគ្រួសារនិងសង្គមជជាតិទំាងមូល។ គួររំលឹកថាម្តាយរបស់អ្នកចាត់ការទូទៅដែលបានជួយក្រុម Man.City ឈ្នះពាន Premier League៣ដងរយៈពេល៤ឆ្នាំចុងក្រោយនេះ បានស្លាប់បន្ទាប់ពីឆ្លងវីរុសកូរ៉ូណានៅខែមេសាឆ្នាំ ២០២០កន្លងទៅ៕
ប្រភពព័ត៍មាន៖ BBC