បរទេស៖ វាជារឿងខកចិត្តមួយសម្រាប់ក្រុមរបស់លោក Sean Dyche ដែលមានបំណងចង់ផ្តួលក្រុមម្ចាស់ផ្ទះជាលើកទីពីរគិតចាប់តាំងពីឆ្នាំ ១៨៩៧ បន្ទាប់ពីធ្លាប់បញ្ចប់ការប្រកួតមិនដែលចាញ់ក្នុងផ្ទះ ៦៨ ដងរបស់ Liverpool កាលពីរដូវកាលមុនក្នុងខែមករា ២០២១។ទោះយ៉ាងណា Burnley ត្រូវបានក្រុមលោក Jurgen ផ្តួលនៅសប្តាហ៏ទីពីរក្រោយពី ខ្សែប្រយុទ្ធ Diogo Jota និង Sadio Mane បានរកគ្រាប់បាល់នៅតង់ទីមួយនិងទីពីរអោយក្រុមម្ចាស់ផ្ទះហង្សក្រហម Liverpool ទទួលជ័យជំនះក្នុងលទ្ធផល២ទល់និង០។
វាជាលទ្ធផល ឈ្នះ ពីរលើកជាប់ៗសម្រាប់ជ័យជម្នះលើក្រុម Burnley នៅឯកីឡដ្ឋាន Anfield នៅថ្ងៃសៅរ៏ក្រោយផ្តួលNorwich៣ទល់និង០ កាលពីសប្តាហ៏មុនផងដែរ។
ព្រមជាមួយវត្តមានប្រធានក្រុម Jordan Henderson បានវិលត្រឡប់មករកជម្រើស ១១ នាក់ដំបូងវិញបន្ទាប់ពីខកខានការប្រកួតនៅថ្ងៃបើកឆាក លោកJurgen Klopp ក៏បានផ្តល់ឪកាសដល់ យុវជន Harvey Elliott បង្ហាញទម្រង់លេងនៅលីកកំពូល Premier League ជាលើកដំបូងរបស់ខ្លួន។ ក្នុងនាមជាម្ចាស់ផ្ទះ Liverpool បានបង្ហាញលក្ខណៈសម្បត្តិគ្រប់គ្រាន់សម្រាប់ការប្រកួតនៅកីឡាដ្ឋាន Anfield ជាលើកដំបូងចាប់តាំងពីថ្ងៃទី ១១ ខែមីនាឆ្នាំ ២០២០ ពោលគឺក្រោយពីអវត្តមានអស់រយៈពេល៥២៨ ថ្ងៃពេញបន្ទាប់ពីក្លឹបបានស្វាគមន៍ហ្វូងអ្នកគាំទ្រជាលើកចុងក្រោយនោះ៕
ប្រភពព័ត៍មាន៖ BBC