បរទេស៖ ខ្សែប្រយុទ្ធ Romelu Lukaku បានចាត់ទុកការបង្ហាញខ្លួនឲ្យ Chelsea ជាលើកដំបូងលើកទី២របស់គ «គឺជាការbបង្ហាញពីទម្រង់លេងយ៉ាងល្អ» ក្រោយពីបានរកគ្រាប់បាល់ក្នុងការប្រកួតក្របខ័ណ្ឌ Premier League ជាលើកដំបូងរបស់គេសម្រាប់ក្រុមតោខៀវ ខណៈដែលក្រុមម្ចាស់ជើងឯកទ្វីបអឺរ៉ុបមួយនេះ បានផ្តួលក្រុម Arsenal ក្នុងលទ្ធផល ២-០ កាលពីថ្ងៃអាទិត្យ។
តារាឆ្នើមអន្តរជាតិបែលហ្ស៊ិករូបនេះ បានវិលទៅកាន់កីឡដ្ឋាន Stamford Bridge វិញ ក្នុងតម្លៃខ្លួនជាកំណត់ត្រារបស់ក្លិបគឺ៩៧លានផោន (ស្មើនឹង១៣២លានដុល្លារអាមេរិក) ក្នុងនាមជាខ្សែប្រយុទ្ធសំខាន់ម្នាក់ដើម្បីជួយឲ្យក្រុម Chelsea ម្ចាស់ជើងឯក Champions League ក្លាយជាជើងខ្លាំងក្នុងក្របខ័ណ្ឌ Premier League។ ក្រុមរបស់លោក Thomas Tuchel បានចាប់ផ្តើមយ៉ាងល្អ ខណៈដែលពួកគេរកបាន៦ពិន្ទុពេញ បានស៊ុតបាល់បញ្ចូលទី៥គ្រាប់ និងមិនរបូតសូម្បីតែ១គ្រាប់ ពីការប្រកួតបើកឆាក២លើកក្នុងក្របខ័ណ្ឌ Premier League នៅរដូវកាលនេះ។
ផ្ទុយទៅវិញ ក្រុម Arsenal មិនទាន់រកបាន១ពិន្ទុ ឬក៏បានស៊ុតបាល់បញ្ចូលទី១គ្រាប់នៅឡើយទេ ខណៈដែលគម្លាតរវាងក្រុមរបស់លោក Mikel Arteta និងក្រុមជាបេក្ខភាពប្រជែងពាន បានបង្ហាញឲ្យឃើញយ៉ាងច្បាស់។ ទាក់ទងនឹងទម្រង់លេងរបស់គេ Lukaku បានឲ្យដឹងថា៖ «ខ្ញុំនិយាយថា ជាការបង្ហាញពីទម្រង់លេងយ៉ាងល្អ។ យើងបានដឹងថា នេះជាការប្រកួតដ៏ធំមួយសម្រាប់យើង។ គ្រប់គ្នាកំពុងតែមើលយើង ហើយយើងធ្វើបានយ៉ាងល្អ»៕
ប្រភពព័ត៌មាន៖ Channel News Asia
