បរទេស៖ ខ្សែប្រយុទ្ធ Cristiano Ronaldo បានស្រងាកចិត្តដោយសារតែគ្រាប់បាល់នៅជិតបញ្ចប់ការប្រកួតរបស់គេមិនត្រូវបានយកជាផ្លូវការ ក្រោយពីការតែតបាល់បំប៉ោងសំណាញ់ទីរបស់គេសម្រាប់ក្រុម Juventus ត្រូវបានចាត់ទុកថា ជាបាល់ offside ក្នុងពេលទទួលបានលទ្ធផលត្រឹមស្មើ ២-២ ជាមួយនឹងក្រុម Udinese។
ជាមួយគ្នានេះ លោក Jose Mourinho បានទទួលជ័យជម្នះនៅថ្ងៃបើកឆាកជាមួយនឹងក្រុម Roma តាមរយៈការដណ្តើមបានជ័យជម្នះក្នុងលទ្ធផល ៣-១ លើក្រុម Fiorentina ខណៈដែលខ្សែប្រយុទ្ធ Tammy Abraham ដែលបានផ្ទេរមកពី Chelsea ក៏បានបង្ហាញពីទម្រង់លេងយ៉ាងល្អផងដែរ។ Ronaldo បានស្ថិតជាកីឡាករបម្រុង នាកីឡដ្ឋាន Dacia Arena ក្នុងទីក្រុង Udine ស្របពេលដែលមានពាក្យចរចាមអារ៉ាមថា រូបគេកំពុងតែស្វែងរកផ្លូវចេញពីក្លិបយក្សអ៊ីតាលីមួយនេះ ប៉ុន្តែ រូបគេស្ទើរតែរកបាន៣ពិន្ទុនៅនាទីបន្ថែមទៅហើយ ក្រោយពី Juventus បានបញ្ជាក់ថា រូបគេនឹងមិនទៅណាឡើយ នៅរដូវកាលនេះ។ ក្រោយពីការប្រកួតនេះ លោកគ្រូបង្វឹក Massimiliano Allegri បានព្យាយាមបន្ថយភាពចម្រូងចម្រាស់តាមរយៈការនិយាយថា រូបលោកតែងតែមានគម្រោងដាក់ឲ្យ Ronaldo លេងក្នុងជម្រើសដំបូងជានិច្ច។
លោកបានឲ្យដឹងថា៖ «Cristiano មិនមានបញ្ហាឡើយ។ នេះគឺជាការចាប់ផ្តើមរដូវកាល និងជាការពិនិត្យមើលពីលក្ខខណ្ឌដែលគ្រប់គ្នាមាន ក៏ដូចជាការគិតពីការប្រកួតនេះ ជាពិសេសនៅពេលដែលខ្ញុំដាក់ឲ្យរូបគេស្ថិតជាកីឡាករបម្រុងដោយដឹងថា រូបគេចាំបាច់ត្រូវតែចូលលេង»៕
ប្រភពព័ត៌មាន៖ Channel News Asia