បរទេស៖ អាជ្ញាធរក្នុងទីក្រុង Nice កាលពីថ្ងៃចន្ទ បានបញ្ជាឲ្យបិទកីឡដ្ឋានចំនួន៤ប្រកួត ហើយប៉ូលិសក្នុងតំបន់ បានឃាត់ខ្លួនបុរសម្នាក់ ខណៈដែលការស៊ើបអង្កេតនានា បានបន្តក្នុងហេតុការណ៍ដែលមិនគួរកើតឡើងក្នុងការប្រកួត ដែលនាំឲ្យមានការផ្អាកការប្រកួតក្របខ័ណ្ឌ Ligue 1 រវាងក្រុម Nice និង Marseille។
អាជ្ញាធរប្រចាំតំបន់ Alpes-Maritimes បានបញ្ជាក់ថា កៅអីអង្គុយដ៏មានប្រជាប្រិយភាពគឺ Popular South នាកីឡដ្ឋាន Allianz Riviera ក្នុងទីក្រុង Nice នឹងត្រូវបិទ ក្រោយពីអ្នកគាំទ្របានចោលសំបកដប និងវត្ថុនានាចូលក្នុងកីឡដ្ឋាន ដែលនាំឲ្យផ្ទុះហិង្សា កាលពីថ្ងៃអាទិត្យ អំឡុងពេលនៃការប្រកួតរវាងក្រុម Nice និង Marseille។
នាយប៉ូលិសក្នុងតំបន់លោក Bernard Gonzalez បានឲ្យដឹងក្នុងសេចក្តីថ្លែងការណ៍មួយថា៖ «ទាក់ទងនឹងហេតុការណ៍ដ៏ធ្ងន់ធ្ងរដែលបានកើតឡើង ហើយមិនចាំបាច់រង់ចាំការដាក់ទណ្ឌនានាដែលត្រូវបានសម្រេចដោយសមាគមលីកកីឡាបាល់ទាត់អាជីព (LEP) នាយប៉ូលិសក្នុងតំបន់ Alpes-Maritimes បានចេញសេចក្តីសម្រេចដូចតទៅនេះ គឺបិទតំបន់កៅអីអង្គុយ Populaire Sud សម្រាប់ការប្រកួត៤លើកខាងមុខ»៕
ប្រភពព័ត៌មាន៖ Channel News Asia
