បរទេស៖ ក្របខ័ណ្ឌ Premier League បានបញ្ចាក់ប្រាប់ថាកីឡាករនិងបុគ្គលិកក្លឹបចំនួន ១៦ នាក់បានធ្វើតេស្តិ៍វិជ្ជមានកូវីត-១៩ កាលពីសប្តាហ៍មុន។ក្រោយឆ្លងកាត់ការប្រកួតចំនួន ២ សប្តាហ៏កន្លងផុតទៅ លីកកំពូលដ៏ធំក្នុងចំណោមលីកទាំង៥នៅទ្វីបអឺរ៉ុប បានធ្វើតេស្តចំនួន ៣.០៦០ករណី នៅចន្លោះថ្ងៃទី ១៦ និង ២២ ខែសីហាដោយមានករណីវិជ្ជមានចំនួន ១២ ត្រូវបានកត់ត្រានៅជុំទីមួយនិង ៤ ករណីទៀតនៅលើកទី ២នេះ។ តួលេខនេះបង្ហាញពីការកើនឡើងមួយទៀតបន្ទាប់ពីមានករណីវិជ្ជមានចំនួន ៩ នៅក្នុងសប្តាហ៍ទី ១ និង ១១ ករណីនៅក្នុងសប្តាហ៍ដែលបិទបញ្ចប់រដូវកាលកាលពីថ្ងៃទី ១៥ ខែសីហាកន្លងទៅ។
ទោះយ៉ាងណាក្របខ័ណ្ឌ Premier League នឹងរក្សាកម្មវិធីធ្វើតេស្តប្រចាំសប្តាហ៍របស់ខ្លួនយ៉ាងហោចណាស់ពីរដង។មានន័យថានៅពេលក្រោយក្នុងការធ្វើតេស្តប្រចាំសប្តាហ៍ហើយមានតែអ្នកដែលមានលទ្ធផលវិជ្ជមានប៉ុណ្ណោះដែលនឹងបន្ត ធ្វើតេស្ត PCR ដើម្បីបញ្ជាក់ពីលទ្ធផលបន្ថែមទៀត។ គណៈកម្មាធិការលីកកំពូលបានបញ្ជាក់ផងដែរថាចំនួនកីឡាករនិងបុគ្គលិកស្នូលសរុបដែលត្រូវបានធ្វើតេស្តនៅគ្រប់ក្លឹបបានកើនឡើងចន្លោះពី ៨៥ ទៅ ១០០ នាក់។
ខ្សែប្រយុទ្ធឆ្នើមរបស់ក្រុមតោខៀវ Chelsea កីឡាករ Christian Pulisic បានខកខានការទទួលជ័យជម្នះនៅថ្ងៃអាទិត្យលើក្រុម Arsenal បន្ទាប់ពីបានធ្វើតេស្តិ៍រកមេរោគនេះខណៈខ្សែការពារ Ben White របស់ក្រុម Arsenal ក៏ជួបប្រទះ ហេតុការណ៏នេះផងដែរ៕
ប្រភពព័ត៍មាន៖ BBC
