បរទេស៖ លោក Gary Neville បានជំរុញឱ្យអតីតក្រុមបិសាចក្រហម Man Utd ចុះហត្ថលេខានាំយកខ្សែប្រយុទ្ធជួរមុខ Harry Kane មុនថ្ងៃផុតកំណត់នៃទីផ្សារទិញដូរកីឡាករ ។ យ៉ាងណាមិញអតីតខ្សែការពារស្លាបក្រុម​ជម្រើស​ជាតិអង់គ្លេសរូបនេះ ចង់​អោយ​​ក្លឹបលក់ចេញកីឡាករ ៤រូបមានដូចជា Anthony Martial, Daniel James និង Jesse Lingard ព្រមទាំងJuan Mata គួរតែត្រូវបានលក់ចេញដើម្បីក្លឹបមានថវិកាទិញ​ខ្សែប្រយុទ្ធជួរ​មុខម្នាក់​មកពង្រឹងក្រុម។

បើទោះបីជាក្លឹបទើបតែបានធ្វើការចុះហត្ថលេខាផ្ទេរយក Jadon Sancho ពី Borussia Dortmund និង Raphael Varane ពី Real Madrid ក្នុងនាមជាអ្នកវិភាគកីឡាប្រចាំទូរទស្សន៏Skysports លោកNeville ជឿជាក់ថា Man.Utdពិតជានៅខ្វះ​កំលាំង​​ប្រយុទ្ធជួរមុខម្នាក់ទៀត។

ទន្ទឹមនឹងនេះដែរ Kane មានបំណងបញ្ចប់ការផ្លាស់ប្តូរទៅកាន់ក្រុម Man. City មុនពេលទីផ្សារដោះដូរ​កីឡាករ​បិទ​នៅ​តែមិន​ទាន់អាចឈានដល់កិច្ចព្រមព្រៀងជាមួយក្រុមការពារតំណែងជើងឯកPremierបានទេ ក៏ព្រោះតែប្រធានក្លឹប Tottenham លោក Daniel Levy នៅតែមានបំណងរក្សាទុកខ្សែប្រយុទ្ធរូប​នេះទោះបីមានការផ្តល់ជូននៅសំណើរប្រមាណ ១៥០ លាន​ផោននៅដើមសប្តាហ៍នេះក៏ដោយ។ទោះយ៉ាងណា  Neville បានអំពាវនាវឱ្យ Man.United ធ្វើការសាកល្បងការសម្រុះ​សម្រួល​ជាមួយ Tottenham សា​ជាថ្មីជាមួយនឹងការផ្តល់សំណើរជូន Kane  ព្រោះតែរូបលោកជឿជាក់ថាក្រុមលោក Ole Gunnar Solskjaer នៅតែមា​ន​កំសោយ​នៅតំបន់ប្រយុទ្ធជួរមុខដើម្បីប្រជែងពានរង្វាន់ Premier League៕

ប្រភពព័ត៍មាន៖ Metro