បរទេស៖ ខ្សែប្រយុទ្ធ Harry Kane របស់ក្លិប Tottenham បានបញ្ជាក់កាលពីថ្ងៃពុធថា រូបគេនឹងបន្តនៅជាមួយនឹងក្លិបនេះ ហើយនិងផ្តោតអារម្មណ៍ទាំងស្រុង១០០% ក្នុងការជួយឲ្យក្រុមរបស់គេទទួលជ័យជម្នះនេះ ខណៈដែលការលើកឡើងបែបនេះ បានបញ្ចប់ពាក្យចរចាមអារ៉ាមផ្សេងៗអំពីការផ្ទេរទៅកាន់ក្លិប Manchester City។
ប្រធានក្រុមនៃក្រុមជម្រើសជាតិអង់គ្លេសរូបនេះ បានសរសេរនៅលើបណ្តាញសង្គម Twitter ថា៖ «វាពិតជាអស្ចារ្យណាស់ក្នុងការឃើញពីការស្វាគមន៍របស់អ្នកគាំទ្រ Spurs កាលពីថ្ងៃអាទិត្យ និងអានពីសារគាំទ្រដែលខ្ញុំមានក្នុងរយៈពេលប៉ុន្មានសប្តាហ៍ចុងក្រោយនេះ។ ខ្ញុំនឹងបន្តនៅជាមួយនឹងក្លិប Tottenham នៅរដូវក្តៅនេះ ហើយនិងផ្តោតអារម្មណ៍១០០% ក្នុងការជួយឲ្យក្រុមនេះទទួលជ័យជម្នះ»។
កីឡាករវ័យ២៨ឆ្នាំរូបនេះ ដែលទើបតែបានចុះកិច្ចសន្យា៦ឆ្នាំជាមួយនឹងក្លិប Spurs ក្នុងឆ្នាំ២០១៨ គឺជាគោលដៅសម្រាប់ក្លិប Manchester City ប៉ុន្តែ ការដាក់សំណើក្នុងតម្លៃខ្លួន១០០លានផោនរបស់ពួកគេ មិនគ្រប់គ្រាន់សម្រាប់ក្លិប Tottenham ក្នុងការអនុញ្ញាតឲ្យរូបគេចាកចេញឡើយ»៕
ប្រភពព័ត៌មាន៖ Channel News Asia
