បរទេស៖ ក្រុមបិសាចក្រហម Manchester United នឹងត្រូវធ្វើជាម្ចាស់ផ្ទះដើម្បីទទួលក្រុមញញួរធំ West Ham United ក្នុងការប្រកួតពានរង្វាន់ដ៏ធំទីបីរបស់អង់គ្លេសគឺ Carabao Cup ជុំទី ៣។ ការប្រកួតនេះគឺជាពេលវេលាមួយសម្រាប់លោក David Moyes ត្រូវវិលត្រលប់មកប្រឈមនិងអតីតក្លឹបដែលបានបញ្ចប់តំណែងរូបលោក កាលពីឆ្នាំ ២០១៤ បន្ទាប់ពីដឹកនាំក្លឹបបាន១០ខែ។
ក្រុមការពារតំណែងជើងឯក ៤ សម័យ Manchester City នឹងធ្វើជាម្ចាស់ផ្ទះទទួល Wycombe Wanderers ពីលីកលំដាប់ទីបី (League One) ខណៈដែលលោក Nuno Espirito Santo និងត្រូវដឹកនាំក្រុមមាន់ខ្នាយមាស Tottenham ត្រូវប្រឈមនិងអតីតក្លឹប Wolves។រីឯក្រុមតោខៀវ Chelsea ធ្វើជាម្ចាស់ផ្ទះទទួលក្រុម Aston Villa ខណៈ Norwich City ស្វាគមន៍ក្រុមមកពីក្របខណ្ឌ Premier League ដូចគ្នាគឺ ហង្សក្រហម Liverpool។ សម្រាប់យុទ្ធនាការប្រកួតនឹងប្រព្រឹត្តទៅចាប់ពីថ្ងៃទី ២០ ខែកញ្ញាតទៅ។
ក្រុមរបស់លោក Pep Guardiola បានឈ្នះជើងឯកពានរង្វាន់ដែលត្រូវបានគេស្គាល់ថាLeague Cup រឺCarabao Cup នេះអស់រយៈពេល ពេលប៉ុន្មានឆ្នាំចុងក្រោយនេះពោលគឺ ឈ្នះ៤ដងចុងក្រោយជាប់ៗគ្នា ខណៈរដូវកាលចាស់បានផ្តួលTottenham ១-០ នៅឯកីឡដ្ឋាន Wembley ។នៅក្នុងការប្រកួតជុំទី ៣ ផ្សេងទៀតដែលមានក្រុមនៅ Premier Leagueគឺ Leicester City ធ្វើជាម្ចាស់ផ្ទះទទួលក្រុម Millwall, Everton ធ្វើដំណើរទៅសួរសុខទុក្ខ QPR ខណៈ Leeds ក៏ធ្វើដំណើរឆ្ពោះទៅភាគខាងលិចទីក្រុងឡុងដ៍ដើម្បីជួប Fulham៕
ប្រភពព័ត៍មាន៖ BBC