បរទេស៖ Manchester City ដែលជាម្ចាស់ជើងឯកក្របខ័ណ្ឌ Premier League ត្រូវបានសារព័ត៌មានចេញផ្សាយថា បានខិតយ៉ាងប្រកៀកដើម្បីឈានដល់ការព្រមព្រៀងគ្នាមួយក្នុងការនាំយកតារាឆ្នើមអន្តរជាតិព័រទុយហ្គាល់ Cristiano Ronaldo វិលទៅកាន់អង់គ្លេសវិញ។
បើទោះបី Juventus បានបញ្ជាក់ថា កីឡាករវ័យ៣៦ឆ្នាំរូបនេះ នឹងបន្តនៅជាមួយនឹងក្លិបយក្សរបស់ក្រខ័ណ្ឌ Serie A ក៏ដោយ ប៉ុន្តែ បណ្តាយសារព័ត៌មានជាច្រើនក្នុងប្រទេសអ៊ីតាលី បានចេញផ្សាយថា អតីតតារាឆ្នើមរបស់ក្លិប Real Madrid និង Manchester United រូបនេះ បានសម្រេចចិត្តចាកចេញហើយ។ បណ្តាញសារព័ត៌មាន Sky Sport Italia បានអះអាងថា ប្រធានក្រុមនៃក្រុមបាល់ទាត់ជម្រើសជាតិព័រទុយហ្គាល់រូបនេះ បានយកអីវ៉ាន់ចេញពីទូររបស់គេចេញអស់ហើយ នៅក្នុងបន្ទប់ផ្លាស់ប្តូរសម្លៀកបំពាក់ នៅក្លិប Juventus និងកំពុងតែស្ទាក់ស្ទើរក្នុងការចូលលេង ពេលក្រុមខ្លួនប្រកួតជាមួយនឹង Empoli នៅចុងសប្តាហ៍នេះ។
ប្រសិនបើការផ្ទេរនេះ នឹងត្រូវកើតឡើង ពេលវេលាដ៏មិនរង់ចាំដែរ ខណៈដែលទីផ្សារដោះដូរកីឡាករ នឹងត្រូវបិទនៅត្រឹមថ្ងៃអង្គារសប្តាហ៍ក្រោយ។ ក្រុម Man City បានទាក់ទងជាមួយនឹងការផ្ទេរមួយ ដើម្បីនាំយកម្ចាស់ពានបាល់មាស Ballon d’Or ៥សម័យកាលរូបនេះ ក្រោយពីមិនអាចនាំយកខ្សែប្រយុទ្ធអន្តរជាតិអង់គ្លេស Harry Kane។ ប៉ុន្តែ ទោះបីជាយ៉ាងណា តម្លៃខ្លួនអាចជាបញ្ហាជាមួយនឹងក្លិប Juventus ដែលត្រូវបានគេរំពឹទុកថា ចង់បានតម្លៃខ្លយនចំនួន២៥លានអឺរ៉ូ៕
ប្រភពព័ត៌មាន៖ Channel News Asia
