បរទេស៖ ខ្សែប្រយុទ្ធ Olivier Giroud និង Tammy Abraham សុទ្ធសឹងបានបង្ហាញថ្វីជើងដូចគ្នា ក្នុងការប្រកួតក្របខ័ណ្ឌ Serie A កាលពីថ្ងៃអាទិត្យ ខណៈដែលអតីតតារាឆ្នើមទាំង២នាក់របស់ក្លិប Chelsea បានជួយឲ្យក្លិបថ្មីរបស់គេគឺ AC Milan និង Roma ឈ្នះដោយងាយដូចគ្នា ដើម្បីជួយឲ្យពួកគេឈ្នះ២លើកពីការប្រកួតបើកឆាកទាំង២លើកនៅរដូវកាលនេះ។
ខ្សែប្រយុទ្ធអន្តរជាតិបារាំង Giroud ដែលមិនត្រូវបានជ្រើសរើសឲ្យចូលរួមប្រកួតជម្រុះ World Cup ជាមួយនឹងក្រុមជម្រើសជាតិរបស់ខ្លួននាពេលខាងមុខ បានស៊ុតបាល់បញ្ចូលទី២គ្រាប់ ក្នុងពេលក្រុមខ្លួនបានយកឈ្នះក្នុងលទ្ធផល ៤-១ លើក្រុម Cagliari នាកីឡដ្ឋាន Cagliari ស្របពេលដែល Abraham បានស៊ុតបាល់បញ្ចូលទីក្នុងពេលក្រុមខ្លួនបានយកឈ្នះលើក្រុម Salernitana ក្នុងលទ្ធផល ៤-០។
ខ្សែប្រយុទ្ធទាំង២នាក់ បានចាកចេញពីម្ចាស់ជើងឯកទ្វីបអឺរ៉ុប Chelsea នៅរដូវក្តៅនេះ ដើម្បីស្វែងរកឱកាសក្នុងការចូលលេងឲ្យបានទៀងទាត់ និងបានចាប់ផ្តើមយ៉ាងល្អក្នុងប្រទេសអ៊ីតាលី។ Giroud លេងបានយ៉ាងល្អ ក្នុងពេលក្រុមខ្លួនបានយកឈ្នះក្នុងលទ្ធផល ១-០ លើទឹកដីក្រុម Sampdoria និងបានស៊ុតបាល់បញ្ចូលទីគ្រាប់បាល់ទី៣ និងទី៤ នាកីឡដ្ឋាន San Siro៕
ប្រភពព័ត៌មាន៖ Channel News Asia