បរទេរស៖ កីឡាករ Anthony Martial របស់ក្រុមបិសាចក្រហម Manchester United បានច្រានចោលឱកាសផ្លាស់ទៅលេងនៅក្លឹប Lyonនៅលីកកំពូលបារាំងវិញនៅថ្ងៃផុតកំណត់ទីផ្សារដោះដូរកីឡាករជាលើកទី១នៅរដូវកាលនេះ យោងគេហទំព័របារំាងL’equipe បានចុះផ្សាយ ។
គួរបញ្ជាក់ថាខ្សែប្រយុទ្ធ អន្តរជាតិបារាំងរូបនេះបានរីកចំរើនលូតលាស់ក្រោយចូលហ្វឹកហាត់ តាមរយៈក្រុមយុវជនថ្នាលក្លឹប Lyon មុនពេលផ្លាស់ទៅចូលរួមជាមួយ Monaco ក្នុងឆ្នាំ ២០១៣ ដោយចំណាយពេលពីរឆ្នាំមុនបន្តផ្លាស់ទៅ ទឹកដី Old Trafford ។ ទោះបីសម្រេចបន្តផ្ញើរវាសនាជាមួយក្រុមម្ចាស់ជើងឯកអង់គ្លេស២០សម័យប៉ុន្តែឱកាសរបស់ Martial ត្រូវបានមើលឃើញថាមានឪកាសចូលលេងបានតិចតួច ក្រោយការចុះហត្ថលេខានាំយកវីរបុរសស Cristiano Ronaldo ត្រលប់មកវិញ នៅដើមសប្តាហ៍នេះ។
ប្រភពបន្តថាក្រៅពី Martial នៅមានខ្សែបម្រើស្លាបសញ្ជាតិប្រេស៊ីល Willian ក៏ស្ថិតនៅលើរ៉ាដារបស់ក្លឹបយក្សបារំាងមួយនេះ មុនពេលដែលអតីតកីឡាករ Chelsea សម្រេចចិត្តបញ្ចប់កុងត្រាជាមួយArsenalហើយវិលត្រឡប់ទៅលេងនៅក្លឹបនៅស្រុកកំណើតជាមួយក្លឹដើមគឺCorinthians វិញប។ Martial បានចាប់ផ្តើមការប្រកួតបានតែ១លើកប៉ុណ្ណោះ ក្នុងចំណោមការប្រកួតក្របខ័ណ្ឌ Premier League ចំនួន ៣ លើកដំបូងនៅរដូវកាលនេះ។ ប៉ុន្តែធ្លាប់រកបានគ្រាប់បាល់ ៧៨ គ្រាប់និង Assist ៥០ លើកក្នុងការប្រកួតសរុប ២៦១ ប្រកួត៕
ប្រភពព័ត៍មាន៖ Sportsmole
