បរទេស៖ ខ្សែប្រយុទ្ធ Cristiano Ronaldo បានបញ្ជាក់ថា រូបគេមិនបានវិលត្រឡប់ទៅកាន់ក្លិប Manchester United ដើម្បីវិស្សមកាលឡើយ ខណៈដែលតារាឆ្នើមជើងចាស់អន្តរជាតិព័រទុយហ្គាល់រូបេះ ត្រៀមបង្ហាញខ្លួននៅកីឡដ្ឋាន Old Trafford ថ្ងៃសៅរ៍ចុសប្តាហ៍នេះ នៅពេលដែលក្រុមរបស់គេធ្វើជាម្ចាស់ផ្ទះទទួលក្រុម Newcastle។
អំឡុងពេលនៃការចំណាយពេលជាលើកដំបូងរបស់គេជាមួយនឹងបិសាចក្រហម ខ្សែប្រយុទ្ធវ័យ៣៦ឆ្នាំរូបនេះ បានស៊ុតបាល់បញ្ចូលទី១១៨គ្រាប់ ក្នុងការប្រកួត២៩២លើក ក្នុងរយៈពេល៦ឆ្នាំ នៅក្លិប Man United។ Ronaldo បានប្រាប់គេហទំព័ររបស់ក្លិបថា៖ «ខ្ញុំមានសមត្ថភាព។ ខ្ញុំតៀមខ្លួនរួចរាល់ហើយ»។ ការចុះហត្ថលេខាជាលើកទី២ជាមួយនឹង Ronaldo ក្នុងតម្លៃខ្លួន១២,៨លានផោនពីក្លិប Juventus គឺជាការផ្ទេរដ៏ធំបំផុតមួយនៅរដូវក្តៅនេះ ខណៈដែល Manchester City ដែលជាគូប្រជែងរបស់ Man United ក៏ជាក្លិបដែលចង់បានតារាឆ្នើមរូបនេះផងដែរ។
Ronaldo ដែលនឹងពាក់អាវលេខ៧ម្តងទៀតនោះ បានឈ្នះពានក្របខ័ណ្ឌ Premier League ៣លើក ពាន Champions League ១លើក ពាន League Cup ២លើក និង FA Cup ១លើក ក៏ដូចជាពាន Fifa Club World Cup និង Community Shield ផងដែរ ក្រោមការដឹកនាំរបស់លោក Alex Ferguson។ ខ្សែប្រយុទ្ធរូបនេះបានបន្ថែមទៀតថា៖ «នេះគឺជាមូលហេតុដែលខ្ញុំនៅទីនេះ។ ខ្ញុំមិនមែនមកទីនេះ ដើម្បីវិស្សមកាលឡើយ»៕
ប្រភពព័ត៌មាន៖ BBC