បរទេស៖ ខ្សែប្រយុទ្ធ Karim Benzema បានស៊ុតបាល់បញ្ចូលទី៣គ្រាប់ ខណៈដែលក្រុម Real Madrid បានបំពេញការវិលត្រឡប់របស់ពួកគេរបស់ពួកគេទៅកាន់កីឡដ្ឋាន Santiago Bernabeu ទាំងការរីករាយ ក្រោយពីបានវាយបកផ្តួលក្រុម Celta Vigo ក្នុងលទ្ធផល ៥-២ នាការប្រកួតក្នុងក្របខ័ណ្ឌ La Liga កាលពីថ្ងៃអាទិត្យ។
ខ្សែប្រយុទ្ធអន្តរជាតិបារាំងរូបនេះ បានបង្ហាញពីទម្រង់លេងយ៉ាងមុតស្រួច ខណៈដែល Real Madrid បានលេងពីមុខអ្នកគាំទ្រដ៏ច្រើនរបស់ខ្លួនជាលើកដំបូង បើគិតចាប់តាំងពីថ្ងៃទី១ ខែមីនា ឆ្នាំ២០២០។ ប៉ុន្តែ ទោះបីជាយ៉ាងណា អ្នកគាំទ្ររបស់ក្រុមម្ចាស់ផ្ទះ បានជួបភាពស្រឡាំងកាំង នៅពេលដែលកីឡាករ Santi Mina បានដណ្តើមយកប្រៀបពីការប្រព្រឹត្តកំហុសនៅតំបន់ការពារ ដើម្បីជួយឲ្យក្រុមភ្ញៀវរកបានគ្រាប់បាល់នាំមុខភ្លាមៗ បន្ទាប់ពីលេងបានត្រឹមតែ៤នាទី។
ប៉ុន្តែ Real បានវាយបកវិញយ៉ាងល្អ និងបានដាក់សម្ពាធយ៉ាងល្អលើក្រុម Celta Vigo ខណៈដែល Benzema បានរកគ្រាប់បាល់តាមស្មើវិញនៅនាទី ទី២៤ ក្រោយពីការបញ្ជូនបាល់របស់ Federico Valverde។ ប៉ុន្តែ Franco Cervi បានជួយឲ្យក្រុមភ្ញៀវនាំមុខម្តងទៀតនៅតង់ទី១ នៅមុនពេល Benzema, Vinicius Junior និង Eduardo Camavinga រកបានគ្រាប់បាល់ជាបន្តបន្ទាប់នៅតង់ទី២ ដើម្បីបំពេញជ័យជម្នះសម្រាប់ក្រុមខ្លួនតែម្តង៕
ប្រភពព័ត៌មាន៖ Reuters
