បរទេស៖ លោក Thomas Tuchel អ្នកចាត់ការទូទៅរបស់ Chelsea បាននិយាយកាលពីថ្ងៃចន្ទថា ការស្រេកឃ្លាននៃការឈ្នះពានក្របខ័ណ្ឌ Champions League គឺជារឿងដែលធ្វើឲ្យញៀន ខណៈដែលគ្រូបង្វឹករូបនេះ បានជំរុញឲ្យកីឡាកររបស់លោក រក្សាការស្រេកឃ្លានដែលត្រូវការជាចាំបាច់ ដើម្បីការពារពានរបស់ពួកគេ។
ក្រុមតោខៀវ នឹងចាប់ផ្តើមយុទ្ធនាការក្របខ័ណ្ឌ Champions League របស់ពួកគេដោយធ្វើជាម្ចាស់ផ្ទះទទួលក្រុម Zenit Saint Petersburg នៅរាត្រីនេះ ក្រោយពីបានចាប់ផ្តើមយ៉ាងល្អក្នុងក្របខ័ណ្ឌ Premier League នៅរដូវកាលនេះ។ លោក Tuchel បានបង្កើតឲ្យមានឥទ្ធិពលវិជ្ជមានដ៏ធំមួយ ក្រោយពីបានចូលរួមជាមួយនឹងក្លិបនេះ កាលពីខែមករា ដើម្បីកែសម្រូលក្រុម Chelsea ពីក្រុមមួយដែលមានភាពត្រដាបត្រដួសនៅពាក់កណ្តាលតារាងក្នុងក្របខ័ណ្ឌ Premier League ឲ្យក្លាយជាម្ចាស់ជើងឯក Champions League។ គ្រូបបង្វឹកសញ្ជាតិអាល្លឺម៉ង់រូបនេះ បានឈានទៅវគ្គផ្តាច់ព្រ័ត្រ មួយឆ្នាំមុន ជាមួយនឹងក្លិប Paris Saint-Germain ប៉ុន្តែ បានបញ្ជាក់ថា លោកមិនបានមើលឃើញពីភាពផ្សេងគ្នាដែលនៅសល់មួយជំហានទៀតក្នុងក្រុមរបស់លោក។
លោក Tuchel បានប្រាប់សន្និសីទសារព័ត៌មានមុនការប្រកួតថា៖ «ខ្ញុំបានឈានទៅវគ្គផ្តាច់ព្រ័ត្រ ជាមួយនឹងក្រុមរបស់ខ្ញុំមួយរដូវកាលមុន ហើយខ្ញុំមានអារម្មណ៍ថា វាជាការសម្រេចបាននូវសមិទ្ធផលដ៏ធំមួយ ប៉ុន្តែ ការដែលមិនអាចសម្រេចបាននូវជំហានចុងក្រោយ គឺជាភាពផ្សេងគ្នាដ៏ធំមួយ នៅពេលដែលដឹងពីអ្វីដែលមានន័យបែបណា នៅពេលដែលអ្នកធ្វើបានសម្រេច»។ វាជាការញៀនមួយ។ យើងត្រូវតែឈ្នះការប្រកួតបែបនេះព្រោះការឈ្នះផ្លាស់ប្តូរអារម្មណ៍របស់យើង»៕
ប្រភពព័ត៌មាន៖ Channel News Asia