បរទេស៖ Romelu Lukaku បានធ្វើការណែនាំដល់ក្លឹប Chelsea អោយបំពេញការចរចារចុះហត្ថលេខានាំយកខ្សែការពារ ២រូបរបស់ Inter Milan Alessandro Bastoni និង Milan Skriniar មកកាន់ទឹកដីStamford Bridge ជាមួយ រូបគេ។
ក្រុមតោខៀវ Chelsea ពិតជាចង់បន្ថែមកំលាំងថ្មីដល់សម្រាប់ខ្សែការពារកណ្តាល នៅរដូវក្តៅនេះ ប៉ុន្តែជា អកុសលក្រុមម្ចាស់ជើងឯកChampion League បានខកខាននាំយកខ្សែការពារអន្តរជាតិបារាំង Jules Kounde ពីក្រុម Sevilla ក្រោយពីពួកគេបានតម្លើងថ្លៃឈ្នួល នៅដំណាក់កាលចុងក្រោយមុនពេលទីផ្សារ ដោះដូរ កីឡាករ បានបិទនៅថ្ងៃទី៣១សីហា ២០២១។ក៏ព្រោះតែការពិតChelsea បានឈានដល់កិច្ចព្រមព្រៀងជាមួយ Sevilla ជុំវិញថ្លៃឈ្នួលប៉ុន្តែក្លឹបនៅលីកកំពូល La Liga បានបង្កើនរហូតដល់ទៅ ១៥ លានយូរ៉ូឯណោះ ។
សម្រាប់កីឡាករអន្តរជាតិអ៊ីតាលីBastoni បច្ចុប្បន្នមានវ័យ ២២ ឆ្នាំរូបនេះទើបតែស្ថិតនៅក្នុងរដូវកាលទី ៣ ជាមួយInter Milan ខណៈកីឡាករអន្តរជាតិអ៊ីតាលីរូបនេះ បាន ចុះហត្ថលេខាលើកិច្ចសន្យារយៈពេល ៣ ឆ្នាំបន្តលេងនៅទឹកដី San Siro កាលពីខែឧសភាជា មួយសុពល ភាពរហូតដល់ឆ្នាំ ២០២៤ ។ ទន្ទឹមនឹងនេះដែរកីឡាករអន្តរជាតិស្លូវ៉ាគី Skriniar វ័យ២៦ឆ្នាំធ្លាប់មានទំនាក់ទំណងផ្លាស់ទៅលេងនៅក្របខណ្ឌ Premier League អស់រយៈពេលជាច្រើនឆ្នាំ បច្ចុប្បន្នកីឡាកររូបនេះមានកុងត្រាតែ១ឆ្នាំទៀតប៉ុណ្ណោះជាមួយក្រុមInter Milan៕
ប្រភពព័ត៍មាន៖ Metro
