បរទេស៖ ក្រុមម្ចាស់ជើងឯករងកាលពីរដូវកាលមុន Manchester City និង Liverpool បានជួបភាពរំភើបរដូចគ្នាក្នុងការប្រកួតក្របខ័ណ្ឌ Champions League កាលពីថ្ងៃពុធ ក្រោយពីដណ្តើមបានជ័យជម្នះរៀងៗខ្លួន។
ដោយឡែក ក្រុម Real Madrid ដែលជាម្ចាស់ជើងឯកទ្វីបអឺរ៉ុប១៣សម័យកាល បានរង់ចាំរហូតដល់ជិតបញ្ចប់ការប្រកួតដើម្បីផ្តួលក្រុម Inter Milan ក្នុងលទ្ធផល ១-០ នាកីឡដ្ឋាន San Siro ក្នុងការប្រកួតជុំទី១នៃវគ្គចែកពូល។ ក្រុម Man City របស់លោក Pep Guardiola ដែលបានរងបរាជ័យក្រោមស្នាដៃក្រុម Chelsea ក្នុងលទ្ធផល ១-០ ក្នុងការប្រកួតវគ្គផ្តាច់ព្រ័ត្រ នៅទីក្រុង Porto កាលពីខែឧសភានោះ បានជម្នះលើការរកបានគ្រាប់បាល់៣គ្រាប់ពីកីឡាករ Christopher Nkunku ដើម្បីផ្តួលក្រុម RB Leipzig ក្នុងលទ្ធផល ៦-៣ នាកីឡដ្ឋាន Etihad។ ខ្សែការពារ Nathan Ake បានជួយឲ្យក្រុម Man City រកបានគ្រាប់បាល់នាំមុខមុន ហើយការធ្វើឲ្យបាល់ចូលទីខ្លួនឯងរបស់ Nordi Mukiele បានបន្ថែមការនាំមុខរបស់ពួកគេ ប៉ុន្តែ Nkunku បានវាយបក១គ្រាប់វិញសម្រាប់ក្រុម Leipzig ក្នុងការប្រកួត។ Riyad Mahrez បានបន្ថែមគ្រាប់បាល់ទី៣ នៅមុនពេលបញ្ចប់តង់ទី១ នៅមុនពេល Nkunku រកបានគ្រាប់បាល់ទី២សម្រាប់ក្រុមភ្ញៀវនៅតង់ទី២។
ខ្សែបម្រើ Jack Grealish រកបានគ្រាប់បាល់ជាលើកដំបូងរបស់គេក្នុងក្របខ័ណ្ឌ Champions League ខណៈដែល Nkunku បានរកគ្រាប់បាល់ទី៣របស់គេ នៅមុនពេល Joao Cancelo និង Gabriel Jesus បានបំពេញជ័យជម្នះសម្រាប់ក្រុម Man City។ ស្របពេលជាមួយគ្នានេះ ក្រុម Liverpool បានបំបាក់មុខក្រុម AC Milan នៅថ្ងៃនៃការវិលទៅកាន់ក្របខ័ណ្ឌ Champions League វិញរបស់ពួកគេ ក្រោយពីបានវាយបកដើម្បីយកឈ្នះក្នុងលទ្ធផល ៣-២៕
ប្រភពព័ត៌មាន៖ Channel News Asia