បរទេស៖ លោក Ronald Koeman នឹងត្រូវបាត់បង់ការងារជាអ្នកចាត់ការទូទៅក្រុម Barcelona ប្រសិនក្លឹប យក្សកាតាឡានចាញ់ក្នុងការប្រកួត La Liga បីលើកបន្ទាប់របស់ពួកគេទល់នឹងក្រុម Granada, Cadiz និង Levante យោងគេហទំព័រ Sport បានចុះផ្សាយ។
ក្លឹបបានចាប់ផ្តើមល្អបង្គួរក្នុងរដូវកាល La Liga រដូវកាលថ្មីនេះដោយទទួលបាន ៧ ពិន្ទុពីការប្រកួត ៣ លើកបើកឆាកហើយឈរនៅលេខ ៧ ។ប៉ុន្តែ បរាជ័យក្នុងផ្ទះខ្លួនឯងក្នុងលទ្ធផល ៣ទល់និង០ ក្រោមថ្វីជើងគូសត្រូវចាស់ Bayern Munich នៅក្របខ័ណ្ឌ Champions League វគ្គជម្រុះក្នុងពូលជើងទី១កាលពីថ្ងៃអង្គារគឺជាហេតុផល ដែលក្លឹបកំពុងគិតសារឡើងវិញពីតួនាទីតួនាទីគ្រូបង្វឹកឈុតធំនេះ។ Barcelona បញ្ចប់ក្នុងចំណាត់ថ្នាក់លេខ ៣ នៅ La Liga ក៏បានដាក់សម្ពាធលើអតីតគ្រូបង្វឹកក្រុមជម្រើសជាតិហូឡង់វ័យ៥៨ឆ្នាំរូបនេះ ប៉ុន្តែក្រុមបានផ្តល់ឪកាសដល់រូបលោកដើម្បី ដឹកនាំបន្ត។
ប្រភពបន្តថាៈប្រធានក្លឹប Barcelona លោក Joan Laporta កំពុងដាក់ផែនការរួចហើយនៅក្នុងករណីលោក Koeman ធូរស្រាលពីភារកិច្ចដែលកំពូងដឹកនាំនាពេលបច្ចុប្បន្ន។ អតីតអ្នកចាត់ការ Southampton និង Everton រូបនេះបានដឹកនាំការប្រកួតចំនួន ៥៨ លើកនិង មានកំណត់ត្រាឈ្នះ ៣៦ ដងស្មើ ១០ ដងនិងចាញ់ ១២ប្រកួត៕
