បរទេស​៖ អនាគតរបស់លោក Ronald Koeman ក្នុងនាមជាគ្រូបង្វឹកក្រុម Barcelona អាចនិងដឹងនាពេលបញ្ចប់ ការប្រកួត ក្នុង ជំនួប El-Classico លើកដំបូងនៃរដូវកាលនេះជាមួយក្រុម Real Madrid នៅថ្ងៃទី ២៤ ខែតុលាខាងមុខ យោង ប្រភព ពីគេហទំព័រ Maca បានចុះផ្សាយ។បរាជ័យចុងក្រោយក្នុងលទ្ធផល ២ទល់និង០ កាលពីថ្ងៃសៅរ៍ក្រោមថ្វីជើងក្រុម គូប្រជែង Atletico Madrid នៅ La Liga បានបង្កើនសម្ពាធបន្ថែមកាន់តែធ្ងន់បន្ថែមទៀត លើបុរសសញ្ជាតិ ហូឡង់រូបនេះ។

ទោះយ៉ាងណាប្រធានក្លឹប Barcelona លោក Joan Laporta ថ្មីៗនេះបានលើកឡើងថាក្លឹបមិន បានត្រៀម លក្ខណៈ រួចរាល់ ដើម្បីបញ្ចប់តំណែងអតីតគ្រូបង្វឹក Southampton, Everton មានវ័យ ៥៨ ឆ្នាំរូបនេះចេញពីតំណែងនោះទេ។លោក Koeman បច្ចុប្បន្ននិងត្រូវត្រៀមលក្ខណៈដឹកនាំក្រុមធ្វើការប្រកួតក្របខណ្ឌ  La Liga ទល់នឹងក្រុម Valencia នៅថ្ងៃទី ១៧ ខែតុលា មុនពេលធ្វើការប្រកួតក្របខណ្ឌ Champions League ជាមួយ Dynamo Kiev នៅបីថ្ងៃបន្ទាប់ ។

អតីតគ្រូបង្វឹកក្រុមជម្រើសជាតិហូឡង់រូបនេះមានកំណត់ត្រាដឹកនាំក្រុមឈ្នះ ៣៧ ដងស្មើ ១២ ដងនិងចាញ់ ១៤ ដងពីការប្រកួត ៦៣ លើកក្រោយចូលមកដឹកនាំក្រុមយក្សកាតាឡាន់៕

ប្រភពព័ត៍មាន៖ Sportsmole