បរទេស៖ លោក Ronald Koeman បានក្លាយជាអ្នកចាត់ការដំបូងគេសម្រាប់ក្រុម Barcelona ក្នុងរយៈពេល ៨១ ឆ្នាំដែលបានដឹកនាំការប្រកួតចាញ់ក្នុងព្រឹត្តការណ៏ជំនួប El Clasicos ៣លើកជាប់ៗគ្នាខណៈក្រុម យក្សកាតាឡានបានបន្តបរាជ័យក្រោមថ្វីជើងគូប្រជែងក្នុងនាមក្រុមភ្ញៀវ Real Madrid ដោយលទ្ធផល ២ទល់និង១ កាលពីថ្ងៃអាទិត្យ។
/origin-imgresizer.eurosport.com/2021/10/18/3238728-66291833-2560-1440.jpg)
ខ្សែប្រយុទ្ធនិងជាវីរបុរសក្រុមMan.City កីឡាករ Sergio Aguero បានរកគ្រាប់បាល់ដំបូងសម្រាប់ក្លឹបអ្នកមានបុណ្យ ក្នុងតង់ទី ២ នៅកីឡដ្ឋាន Camp Nou ប៉ុន្តែការខិតខំប្រឹងប្រែងរបស់ខ្សែការពារDavid Alaba និង Lucas Vazquez បានជួយឱ្យ ក្រុមលោកCarlo Ancelloti ទទួលបានបីពិន្ទុសម្រាប់ការប្រកួតនៅសប្តាហ៏ទី៩។
បច្ចុប្បន្នBarcelona នៅមិនទាន់ស្គាល់ឈ្នះដោយចាញ់៤ប្រកួត ចុងក្រោយ ខណៈលោក Koeman បានចាញ់ El-Clasicosទំាងពីរលើកកាលពីរដូវកាលមុន។ បុរសសញ្ជាតិហូឡង់គឺជាគ្រូបង្វឹកដំបូងគេចាប់គិតតាំងពីលោក Patrick O’Connell ដែលបានគ្រប់គ្រងក្លឹបនៅចន្លោះឆ្នាំ ១៩៣៥ដល់១៩៤០ ដែលធ្លាប់ដឹកនាំជួបរឿងបរាជ័យក្នុងជំនួបEl-Clasico ៣លើកជាប់ៗគ្នាដូច្នេះ ។
Barcelona បច្ចុប្បន្នឈរនៅចំណាត់ថ្នាក់ទី ៩ ក្នុងក្របខ័ណ្ឌកំពូលLa LIga ដោយមានគម្លាត ៦ ពិន្ទុតាមពីក្រោយក្រុម Real Sociedad និងតាមពីក្រោយលេខ ២ Real Madrid ៥ពិន្ទុ។អ្វីដែលរឿងគួរអោយហួសចិត្តនោះផងដែរគឺអ្នកគាំទ្រក្រុម Barcelona បានធ្វើការឆ្មក់វាយប្រហាររថយន្ត លោក Koeman ខណៈដែលអតីតគ្រូបង្វឹកហូឡង់រូបនេះគាត់ចាកចេញពីកីឡដ្ឋានក្រោយបរាជ័យកាលពីយប់ថ្ងៃអាទិត្យ៕
