បរទេស៖ ខ្សែប្រយុទ្ធ Victor Osimhen បានស៊ុតបាល់បញ្ចូលទី២គ្រាប់នៅតង់ទី២ ខណៈដែលក្រុម Napoli បានបាយបកដើម្បីដណ្តើមបានលទ្ធផលស្មើ ២-២ នៅលើទឹកដីក្រុម Leicester City ក្នុងការប្រកួតក្របខ័ណ្ឌ Europa League ក្នុងពូល C កាលពីថ្ងៃព្រហស្បតិ៍។
ក្រុមម្ចាស់ជើងឯកស្កុតឡេន Rangers បានរងបរាជ័យក្នុងលទ្ធផល ២-០ ក្រោមស្នាដៃក្រុម Olympique Lyonnais ក្នុងការប្រកួតពូល A ក្រោយពីក្រុម Celtic ដែលជាម្ចាស់ជើងឯក European Cup ឆ្នាំ១៩៦៧ បានរងបរាជ័យក្នុងលទ្ធផល ៤-៣ លើទឹកដីក្រុម Real Betis ក្នុងការប្រកួតនៅថ្ងៃដដែលនោះ។ Lyon បានបំពេញជ័យជម្នះរបស់ខ្លួនតាមរយៈការធ្វើឲ្យបាល់ចូលទីខ្លួនឯងរបស់ James Tavernier ខណៈដែលបាល់បានផ្លាតចេញពីខ្សែការពាររូបនេះ ក្រោយពីការប្រទាញប្រទង់នៅពីមុខទីនាទី ទី៥៥។ ក្នុងការប្រកួតមួយគូទៀតក្នុងពូល A ក្រុម Brondby របស់ដាណឺម៉ាក បានបញ្ចប់ក្នុងលទ្ធផលស្មើ ០-០ ជាមួយនឹងក្រុម Slavia Prague។
ដោយឡែក ក្នុងការប្រកួតពូល B ក្រុម PSV Eindhoven ដែលជាម្ចាស់ជើងឯកឆ្នាំ១៩៨៨ បានវាយបកដើម្បីដណ្តើមបានលទ្ធផលស្មើ ២-២ ជាមួយនឹងក្រុម Real Sociedad ហើយ Krepin Diatta បានជួយឲ្យក្រុម Monaco យកឈ្នះលើក្រុម Sturm Graz ក្នុងលទ្ធផល ១-០៕
ប្រភពព័ត៌មាន៖ Channel News Asia
