បរទេស៖ Declan Rice បានតាមទាន់កំនត់ត្រារៀមច្បង Frank Lampard បន្ទាប់ពីខ្សែបម្រើ-ការពាររកបានគ្រាប់បាល់ផ្តួលក្រុម Dinamo Zagreb ក្នុងលទ្ធផល២ទល់និង០។ ក្រុមញញួរធំបានធ្វើដំណើរទៅកាន់កីឡដ្ឋាន Stadion Maksimir របស់ក្រូអាត នៅរាត្រីថ្ងៃព្រហស្បតិ៍សម្រាប់ការប្រកួតបើកឆាកពូល H របស់ពួកគេក្រោយទទួលបានកៅអីក្នុងក្របខ័ណ្ឌ Europa League បន្ទាប់ពីបញ្ចប់ចំណាត់ថ្នាក់លេខ ៦ នៅ Premier League កាលពីរដូវកាលមុន។
Michail Antonio បានជួយក្រុមរបស់លោក David Moyes រកបានគ្រាប់បាល់បើកឆាកនៅដើមតង់ទី ១ មុនពេល Riceរកបានគ្រាប់បាល់ទី២យ៉ាងល្អ ២ទល់និង០ ដើម្បីនាំជ័យជំនះសម្រាប់ក្រុមភ្ញៀវ ។
Riceបានក្លាយជាកីឡាករវ័យក្មេងបំផុតដែលរកបានគ្រាប់បាល់សម្រាប់ក្រុម West Ham គិតចាប់តាំងពី Frank Lampardធ្លាប់រកគ្រាប់បាល់បានកាលពីជាង ២០ ឆ្នាំមុន។ វីរបុរសនិងជាអតីតគ្រូបង្វឹកChelsea ធ្លាប់ ស៊ុតបាល់បញ្ចូលទីក្នុងការប្រកួតUefa Cup រដូវកាល ១៩៩៩-២០០០ ពេលប្រកួតជាមួយក្រុមNK Osijek នៅអាយុ ២២ ឆ្នាំនិង ៨៨ ថ្ងៃខណៈRiceមានវ័យដូចគ្នាគិតត្រឹមថ្ងៃ១៧កញ្ញាតែមានអាយុច្រើនជាង ១៥៧ ថ្ងៃប៉ុណ្ណោះ៕
