បរទេស៖ លោក Ole Gunnar Solskjaer បានបញ្ជាក់ថា Edinson Cavani និងបន្តអវត្តមានសម្រាប់ការប្រកួតនៅចុងសប្តាហ៍នេះបន្តទៀតប៉ុន្តែនៅឡើយបញ្ជាក់ប្រាប់ពីមូលហេតុថាមកពីអ្វីនោះទេ។ ខ្សែប្រយុទ្ធជើងចាស់ដ៏មានបទពិសោធន៏សញ្ជាតិអ៊ុយរូហ្គាយបានបង្ហាញខ្លួនលើកចុង ក្រោយបំផុតសម្រាប់Man.Utdក្នុងការប្រកួតមិត្តភាពបិទទ្វារកីឡាដ្ឋានទល់នឹងក្រុម Stoke City មកម្លេះ។
គួរបញ្ជាក់ថាក្រុមជើងឯកអង់គ្លេស២០សម័យនិងត្រូវជួបប្រកួតជាមួយក្រុមម្ចាស់ផ្ទះWest Ham United ក្នុងក្របខ័ណ្ឌ Premier League នៅឯកីឡដ្ឋាន London Staium នាយប់ថ្ងៃអាទិត្យនេះ។Man.Utd ក៏ពុងតែសម្លឹងស្រេកឃ្លានជ័យជំនះដើម្បីជាការប៉ះប៉ូវនិងបំពេញចិត្តអ្នកគាំទ្រឡើងវិញនិងធានាការ ឈរទីកំពូលតារាងបន្តទៀតក្រោយបរាជ័យចាញ់ក្រុមម្ចាស់ផ្ទះ Young Boys ក្នុងការប្រកួតក្របខ័ណ្ឌ Champions League កាលពីរាត្រីថ្ងៃអង្គារ។
ទោះយ៉ាងណាគ្រូបង្វឹកសញ្ជាតិន័រវេរំពឹងថាអតីតខ្សែប្រយុទ្ធ PSG, Napoli នេះនឹងចាប់ផ្តើមហ្វឹកហាត់នៅដើមសប្តាហ៍ក្រោយហើយ និងត្រៀមបើកទ្វារកីឡាដ្ឋានOld Traffordទទួលក្រុម West Ham Unitedវិញម្តងសម្រាប់ការប្រកួតក្របខណ្ឌ Carabao Cup នៅថ្ងៃពុធ៕
ប្រភពព័ត៍មាន៖ Sportskeeda