បរទេស៖ លោក Thomas Tuchel បាន​ចាត់ទុក​ថា N’Golo Kante «ជា​កីឡាករ​មាន​លក្ខណៈ​ពិសេស​ខុសពីគេ»​ ក្រោយពី​ខ្សែ​បម្រើ​អន្តរ​ជាតិ​បារាំង​រូបនេះ បាន​ចូលលេង​ក្នុងនាម​ជាកីឡាករ​បម្រុង ដើម្បី​ដើរតួនាទីដ៏សំខាន់​ក្នុងការ​ជួយ​ឲ្យ​ក្រុម Chelsea ដណ្តើម​បាន​ជ័យ​ជម្នះក្នុងលទ្ធផល ៣-០ លើក្រុម Tottenham កាលពីថ្ងៃ​អាទិត្យ​។

Soccer Football – Premier League – Tottenham Hotspur v Chelsea – Tottenham Hotspur Stadium, London, Britain – September 19, 2021 Chelsea manager Thomas Tuchel and Andreas Christensen celebrate after the match REUTERS/Tony Obrien

លោក Tuchel គ្រូបង្វឹក​របស់ Chelsea បាន​ដាក់​ឲ្យ Kante ចូល​លេង​នៅត់ទី​២ ក្រោយ​ពី​ខក​ចិត្ត​ជាមួយនឹង​ទម្រង់​លេង​មិនសូវ​រឹងមាំ​របស់ Chelsea ក្នុង​តង់​ទី​១​។ ការផ្លាស់ប្តូរនេះ បាន​ផ្តល់​ផ្លែផ្កា​គួរ​ឲ្យ​កត់សម្គាល់ ខណៈដែល Chelsea បាន​ស៊ុត​បាល់​បញ្ចូល​ទី​២​គ្រាប់រយៈពេល​១២​នាទី​ដំបូងនៃ​តង់ទី​២​។ ខ្សែ​ការ​ពារ Thiago Silva បាន​តែត​បាល់​ដើម្បី​រកគ្រាប់បាល់​បើកឆាក ហើយ​ Kante បាន​ស៊ុត​បាល់ផ្លាតនឹង​ខ្សែការ​ពារ Eric Dier ចូល​ទី​យ៉ាងល្អ ដើម្បី​រកគ្រាប់បាល់ទី​២​។ ខ្សែ​ការ​ពារ Antonio Rudiger បាន​បន្ថែម​គ្រាប់បាល់​ទី​៣ នៅនាទីបន្ថែម ខណៈ​ដែល​ Chelsea ឡើ​ង​ឈរ​លើ​កំពូល​តារាងនៃក្រប​ខ័ណ្ឌ Premier League​។

លោក Tuchel បាន​មើល​ឃើញ​យ៉ាង​ច្បាស់ពី​កីឡាករ​ដែល​ជាកត្តា​លីករ​ក្នុង​ការ​ជួយ​ឲ្យ Chelsea ឈ្នះ ខណៈ​ដែល​លោក​បាន​លើក​ឡើង​ពីចំណុច​ដែល Kante បំ​បែក​ក្បួន​ការ​ពារ​របស់ Spurs។ លោក Tuchel បាន​ឲ្យដឹងថា៖ «ពិត​ជា​កីឡាករ​កំពូល​មែន ព្រោះ​ប្រសិន​បើ​អ្នក​មាន N’Golo អ្នក​មាន​ចំណុច​ពិសេស​ដែល​គ្រប់គ្នា​ត្រូវ​ការ​។ អ្នក​មាន​ភាព​រឹង​មាំក្នុង​តំបន់​បម្រើ ទាំងការ​គ្រប់គ្រងបាល់ និង​សូម្បី​តែ​គ្រាប់បាល់​»​៕

ប្រភព​ព័ត៌​មាន៖ Channel News Asia