បរទេស៖ ក្រុម Manchester City បានចាប់ផ្តើមយុទ្ធនាការប្រជែងដណ្តើមពាន League Cup ជាលើកទី៥ជាប់ៗគ្នារបស់ពួកគេតាមរយៈការដណ្តើមបានជ័យជម្នះក្នុងលទ្ធផល ៦-១ លើក្រុម Wycombe ស្របពេលដែលខ្សែប្រយុទ្ធអន្តរជាតិជប៉ុន Takumi Minamino បានជួយឲ្យក្រុម Liverpool ដណ្តើមបានជ័យជម្នះក្នុងលទ្ធផល ៣-០ នៅលើទឹកដីក្រុម Norwich កាលពីថ្ងៃអង្គារ។
ប៉ុន្តែ ក្រុម Everton និង Watford បានក្លាយជាក្រុមស្ថិតក្នុងក្របខ័ណ្ឌ Premier League ដែលបានធ្លាក់ចេញត្រឹមជុំទី៣ ក្រោយពីចាញ់ក្រុម QPR និង Stoke រៀងៗខ្លួន។ Man City នឹងត្រូវឡើងឈរពីលើក្រុម Liverpool ក្នុងនាមជាក្រុមដែលបានឈ្នះពាន League Cup ៩លើក ប្រសិនបើពួកគេឈ្នះពាននេះនៅរដូវកាលនេះ។ លោក Pep Guardiola បានដាក់ឲ្យកីឡាករ Conrad Egan-Riley, Finley Burns, Luke Mbete, Josh Wilson-Ebrand និង Romeo Lavia ចូលលេងជាលើកដំបូង ក្នុងការប្រកួតនៅកីឡដ្ឋាន Etihad។ ក្រុម Everton បានធ្លាក់ចេញក្រោមស្នាដៃក្រុម QPR ក្រោយពីចាញ់ការស៊ុតបាល់ប៉េណាល់ទីក្នុងលទ្ធផល ៨-៧ បន្ទាប់ពីស្មើក្នុងលទ្ធផល ២-២។
ក្រុម Watford ក៏បានជួបការខកចិត្តផងដែរ ក្រោយពីបានផ្លាស់ប្តូរកីឡាករ១១នាក់ ខណៈដែលពួកគេបានរងបរាជ័យក្នុងលទ្ធភល ៣-១ ក្រោមស្នាដៃក្រុមស្ថិតក្នុងក្របខ័ណ្ឌលំដាប់ទី២ Stoke នាកីឡដ្ឋាន Vicarage Road។ ដោយឡែក ក្រុម Southampton បានគ្រប់គ្រងយ៉ាងរបស់ខ្លួយ៉ាងល្ ដើម្បីទទួលជ័យជម្នះក្នុងលទ្ធផល ៤-២ ដោយការស៊ុតបាល់ប៉េណាល់ទី លើទឹកដីក្រុម Sheffield United ក្រោយពីទទួលបានលទ្ធផលស្មើ ២-២៕
ប្រភពព័ត៌មាន៖ Channel News Asia