បរទេស៖ បម្រើអន្តរជាតិជប៉ុនកីឡាករ Takumi Minamino បានស៊ុតបាល់បញ្ចូលទីពីរគ្រាប់ខណៈដែលក្រុមហង្សក្រហម Liverpool បានផ្តួលក្រុម Norwich City ក្នុងលទ្ធផល៣ទល់និង០ដើម្បីឈានទៅការប្រកួតក្របខណ្ឌ Carabao Cup ជុំទី ៤បន្តទៀត។
ក្រុមភ្ញៀវរបស់លោក Jurgen Klopp បានរកគ្រាប់បាល់នាំមុខនៅនាទីទី ៤ ក្រោយការបញ្ជូនរបស់ Divock Origi ខណៈ Minamino ស៊ុតបាល់ប្រលោះជើងអ្នកចាំទី។ រីឯ អ្នកចាំទី Caoimhin Kelleher បានបដិសេធ ឪកាសវាយបកតាមស្មើរបស់ Norwich មុនពេលបញ្ចប់តង់ទី ១ ដោយជួយសង្គ្រោះបាល់ពិន័យ១១ម៉ែត្ររបស់ Christos Tzolis ដោយជើងរបស់គេ។
គ្រាប់បាល់ទី២របស់ Liverpoolរកបានដោយកីឡាករ អន្តរជាតិបែលហ្សិក Divock Origi ដោយការតែត ក្រោយការបញ្ជូនរបស់កីឡាករ ខ្សែការពារស្លាបឆ្វេងសញ្ជាតិ ក្រិក Konstantinos Tsimikas ក្រោយចាប់ផ្តើមការប្រកួតតង់ទី២បាន៥នាទិ មុនពេល Minamino រកបានគ្រាប់បាល់ទី៣នៅនាទីទី៨០ក្រោយក្រោយការបញ្ជូនរបស់ Oxlade-Chamberlain៕
ប្រភពព័ត៍មាន៖ BBC
