បរទេស៖ ក្រុមបិសាចក្រហម Manchester United បានធ្លាក់ចេញពីពាន League Cup ខណៈដែលក្រុម West Ham បានសងសឹកចំពោះការរងបរាជ័យដ៏ឈឺចាប់ ក្រោមស្នាដៃក្រុមរបស់លោក Ole Gunnar Solskjaer តាមរយៈការដណ្តើមបានជ័យជម្នះក្នុងលទ្ធផល ១-០ ស្របពេលដែលក្រុម Chelsea និង Tottenham បានគេចផុតពីការធ្លាក់ចេញក្នុងការស៊ុតបាល់ប៉េណាល់ទី ដើម្បីឈានទៅជុំទី៤ កាលពីថ្ងៃពុធ។
ក្រុមញញួរធំ បានរងបរាជ័យយ៉ាងខកចិត្តក្នុងលទ្ធផល ២-១ នៅពេលប្រកួតជាមួយនឹងក្រុម Man United ក្នុងក្របខ័ណ្ឌ Premier League កាលពីថ្ងៃអាទិត្យ នៅពេលដែលអ្នកចាំទី David De Gea បានសង្គ្រោះបាល់ប៉េណាល់ទីរបស Mark Noble នៅចុងម៉ោង ក្រោយពីគ្រាប់បាល់ឈ្នះរបស់ Jesse Lingard។
ប៉ុន្តែ ក្រុមរបស់លោក David Moyes បានបំពេញការសងសឹកវិញ ក្នុងរយៈពេល៣ថ្ងៃ ក្រោយមក ខណៈដែលគ្រាប់បាល់ស៊ុតបញ្ចូលទីនៅតង់ទី១របស់កីឡាករ Manuel Lanzini បានទម្លាក់ក្រុម Man United ត្រឹមជុំទី៣តែម្តង។ នៅកីឡដ្ឋាន Stamford Bridge ឯនោះ វិញ ក្រុម Chelsea បានឈ្នះដោយការស៊ុតបាល់ប៉េណាល់ទីក្នុងលទ្ធផល ៣-២ ក្រោយពីបានបញ្ចប់ក្នុងលទ្ធផលស្មើ ១-១ ជាមួយនឹងក្រុម Aston Villa។
ខ្សែប្រយុទ្ធអន្តរជាតិអាល្លឺម៉ង់ Timo Werner បានតែតបាល់បញ្ចូលទីជួយឲ្យ Chelsea នាំមុខមុននៅនាទី ទី៥៤ ក្រោយពីការបញ្ជូនបាល់ឆ្លងរបស Reece James ដើម្បីរកគ្រាបបាល់ទី១របស់គេក្នុងចំណោមការប្រកួត១១លើក។ ដោយឡែក Harry Kane បានបញ្ចប់ការមិនអាចរកបានគ្រាប់បាល់របស់គេ ខណៈដែលលោក Nuno Espirito Santo គ្រូបង្វឹករបស់ក្រុម Tottenham បានទម្លាក់ក្លិបចាស់របស់លោក Wolves ដោយការស៊ុតបាល់ប៉េណាល់ទីក្នុងលទ្ធផល ៣-២ ក្រោយពីស្មើ ២-២ នៅកីឡដ្ឋាន Molineux៕
ប្រភពព័ត៌មាន៖ Channel News Asia
