បរទេស៖ គ្រាប់បាល់ឈ្នះរបស់ Achraf Hakimi បានជួយឲ្យក្រុម Paris Saint-Germain ដណ្តើមបានជ័យជម្នះក្នុងលទ្ធផល ២-១ នៅលើទឹកដីក្រុមបាតតារាង Metz កាលពីថ្ងៃពុធ ខណៈដែលក្រុមយក្សប្រចាំក្រុងប៉ារីសមួយនេះ បានរក្សាកំណត់ត្រាឈ្នះ១០០%នៅរដូវកាលនៃក្របខ័ណ្ឌ Ligue 1 បើទោះបីអវត្តមាន Lionel Messi ក៏ដោយ។
:focal(984x271:986x269)/origin-imgresizer.eurosport.com/2021/09/22/3224971-66016688-2560-1440.jpg)
ខ្សែការពារអន្តរជាតិម៉ារ៉ុក Hakimi ដែលផ្ទេរមកពីក្លិប Inter Milan ក្នុងតម្លៃខ្លួន៦០លានអឺរ៉ូ នៅរដូវកាលនេះបានជួយឲ្យក្រុម PSG រកបានគ្រាប់បាល់នាំមុខមុននៅនាទី ទី៥ នៅមុនពេលកីឡាករ Kiki Kouyate បានរកគ្រាប់បាល់តាមស្មើវិញ។ ប៉ុន្តែ ភាពស្វិតស្វាញក្នុងការប្រកួតនេះបានឈានដល់កម្រិតកំពូល នៅពេលដែលក្រុម Metz នៅសល់សមាជិកត្រឹមតែ១០នាក់ ហើយគ្រូបង្វឹករបស់ពួកគេគឺលោក Frederic Antonetti ក៏បានរងពិន័យកាតក្រហមឲ្យទៅកៅអីអ្នកគាំទ្រផងដែរ នៅមុនពេល Hakimi បានរកគ្រាប់បាល់ឈ្នះនៅនាទី ទី៩៤។ PSG បានឈានទៅកាន់រដូវកាលថ្មីក្នុងនាមជាក្រុមមានក្តីសង្ឃឹមខ្ពស់ក្នុងការការពារពានក្របខ័ណ្ឌលីកបារាំង Ligue 1 ក្រោយពីបាននាំយកតារាឆ្នើមៗជាច្រើន ក្នុងនោះរាប់បញ្ចូលទីម្ចាស់ពានបាល់មាស៦សម័យកាល Messi ផងដែរ។
PSG បានបន្ថែមការនាំមុខរបស់ពួកគេនៅលើកំពូលតារាង រហូតដល់ទៅ៧ពិន្ទុ លើក្រុម Marseille ដែលបានបញ្ចប់ក្នុងលទ្ធផលស្មើ ០-០ លើទឹកដីក្រុម Angers៕
ប្រភពព័ត៌មាន៖ Channel News Asia
