បរទេស៖ ខ្សែបម្រើប្រយុទ្ធ Marco Asensio បានស៊ុតបាល់បញ្ចូលទី៣គ្រាប់ សម្រាប់ក្រុម Real Madrid កាលពីថ្ងៃពុធ នៅពេលដែលប្រកួតជាមួយនឹងក្រុម Mallorca ខណៈដែល Real បានឈ្នះដោយងាយក្នុងលទ្ធផល ៦-១ ដើម្បីឡើងឈរលើកំពូលតារាង La Liga។
ខ្សែប្រយុទ្ធ Karim Benzema បានដណ្តើមយកប្រៀបលើការប្រព្រឹត្តកំហុសរបស់ Mallorca នាកីឡដ្ឋាន Santiago Bernabeu នៅមុនពេលការរកបានគ្រាប់បាល់៣គ្រាប់នៅចន្លោះពេល៥នាទី បានជួយឲ្យក្រុម Real Madrid នាំមុខ ៣-១ ដោយ Asensio រកបាន២គ្រាប់នៅចន្លោះគ្រាប់បាល់របស់ Lee Kang-in សម្រាប់ក្លិប Mallorca។ Asensio បានបំពេញការរកគ្រាប់បាល់ទី៣របស់គេ តាមរយៈការស៊ុតបាល់បញ្ចូលទីយ៉ាងល្អនៅតង់ទី២ នៅមុនពេល Benzema បានបន្ថែមគ្រាប់បាល់ទី២របស់គេ ហើយ Isco បានរកគ្រាប់បាល់ទី៦សម្រាប់ក្រុម Real Madrid។
គ្រាប់បាល់ទី២របស់ Benzema គឺជាគ្រាប់បាល់ទី២០០របស់គេ ក្នុងក្របខ័ណ្ឌ La Liga ដែលធ្វើឲ្យរូបគេក្លាយជាកីឡាករទី១០ ក្នុងការសម្រេចបានសមិទ្ធផលនេះ។ ជ័យជម្នះនេះ ជួយឲ្យក្រុម Real នាំមុខ២ពិន្ទុលើក្រុម Atletico លើកំពូលតារាង ខណៈដែល Sevilla ឈរលេខ៣ ក្រោយពីបានផ្តួល Valencia ៣-១៕
ប្រភពព័ត៌មាន៖ Channel News Asia