បរទេស៖ Bruno Fernandes បានកោតសរសើរចំពោះការរួមចំណែកជួយក្រុមដ៏សំខាន់ពីសំណាក់ អ្នកចាំទី David De Gea និងកីឡាករដែលរកគ្រាប់បាល់ជ័យជំនះក្នុងការប្រកួតគឺ Cristiano Ronaldo ខណៈដែល Man Utd បានផ្តួលក្រុមភ្ញៀវ Villarreal ក្នុងការប្រកួតវគ្គជម្រុះក្នុងពូល Champions League កាលពីយប់ថ្ងៃពុធ។
តារាឆ្នើមព័រទុយហ្កាល់បានស៊ុតបាល់បញ្ចូលទីនៅម៉ោងបញ្ឈប់ដើម្បីរកបានគ្រាប់បាល់ជ័យជម្នះក្នុងលទ្ធផល ២ទល់និង១ លើក្រុមអេស្បាញ។ Paco Alcacer ជាកីឡាករដែលរកបានគ្រាប់បាល់នាំមុខ ឲ្យ ក្រុមភ្ញៀវ មុនពេល គ្រាប់បាល់តាមស្មើរកបានដោយខ្សែការពារស្លាបឆ្វេង Alex Telles ខណៈRonaldo ជាអ្នកបញ្ចប់ទីក្រោយពី Lingard បង្កើតឪកាសអោយនៅប៉ុន្មានវិនាទីចុងក្រោយមុនបញ្ចប់ការប្រកួត។ក្រុម Villarreal មានឱកាសរកគ្រាប់បាល់ជាច្រើនសម្រាប់ការប្រកួតទាំងពីរ តង់ប៉ុន្តែអ្នកចាំទីអន្តរជាតិអេស្បាញ មានឪកាសសង្គ្រោះបាល់ដល់ទៅ៦ដង។ Bruno Fernandes ក៏បានដើរតួនាទីជាប្រធានក្រុមខណៈ Harry Maguire មានបញ្ហារបួស។
អតីតខ្សែបម្រើ Man.Utd កីឡាករOwen Hargreavesក៏បានលើកសរសើរផងដែរថា៖ «ខ្ញុំគិតថា David De Gea ជាពិសេសនៅពាក់កណ្តាលតង់ទីមួយ គាត់បានធ្វើការសង្គ្រោះបាល់បានយ៉ាងល្អជាច្រើនគាត់ពិតជាអស្ចារ្យណាស់នៅរដូវកាលនេះពួកគេអាចពឹងផ្អែកលើគាត់ជាមួយការត្រលប់ទៅរកទម្រង់លេងដែលល្អបំផុត»៕
ប្រភពព័ត៍មាន៖ Metro
