បរទេស៖ Cristiano Ronaldo បានតាមស្មើកំនត់ត្រាវីរបុរស Man City កីឡាករ Sergio Aguero នៅក្របខណ្ឌ Champions League សម្រាប់ការរកគ្រាប់បាល់នៅម៉ោងបន្ថែម ៩០នាទី ខណៈដែលរូបគេមានឪកាសរកគ្រាប់បាល់នាំជ័យជំនះអោយ Man. Utd លើក្រុមគូប្រជែង Villarrealមកពីអេស្បាញ ។
ប្រធានក្រុមជម្រើសជាតិព័រទុយហ្គាល់មានឪកាសបញ្ចប់ទីក្រោយការបញ្ជូនរបស់Jesse Lingard បន្ទាប់ពីខ្សែការពារ Alex Telles រកគ្រាប់បាល់វាយបកតាមស្មើការនាំមុខរបស់ក្រុមភ្ញៀវរកបានដោយកីឡាករAlcacer ។ មានន័យថាកីឡាករវ័យ៣៦ឆ្នាំរូបនេះរកបានគ្រាប់បាល់ជ័យជំនះ នៅម៉ោងបន្ថែមនៅលីកកំពូលអឺរ៉ុបសរុបបាន៣ប្រកួត ពោលគឺស្មើនិងកីឡាករអន្តរជាតិអាហ្សង់ទីន Aguero ដែលបច្ចុប្បន្នកំពុងលេងអោយBarcelona និងត្រូវការកំនត់ត្រាតែ១ប្រកួតទៀតប៉ុណ្ណោះដើម្បីបំបែក។
Ronaldo បានប្រាប់ទូរទស្សន៍ BT Sport : វាជាការប្រកួតដ៏លំបាកមួយ។ Villarreal លេងបានល្អ។ ពួកគេមានឱកាសជាច្រើន។ យើងបានតស៊ូជំនះបន្តិចហើយយើងបានដឹងមុនការប្រកួតថាយើងត្រូវតែឈ្នះដើម្បីទទួលបាន៣ពិន្ទុ ដ៏សំខាន់សម្រាប់ក្រុមនិងបំពេញចិត្តអ្នកគាំទ្រ៕
ប្រភពព័ត៍មាន៖ Livescore
