បរទេស៖ ក្រុម Leicester និង Napoli ត្រូវប្រឈមមុខនឹងការងារដ៏លំបាកក្នុងការឈានទៅវគ្គចាញ់ធ្លាក់នៃក្របខ័ណ្ឌ Europa League ក្រោយពីក្រុមទាំង២ បានរងបរាជ័យដ៏មិននឹកស្មានដល់ដូចគ្នា កាលពីថ្ងៃព្រហស្បតិ៍ ស្របពេលដែលការរងបរាជ័យក្នុងលទ្ធផល ១-០ របស់ក្រុម Ranger ក្រោមស្នាដៃក្រុម Sparta Prague ត្រូវបានមើលរំលងដោយសារតែការរើសអើងជាតិសាសន៍លើកីឡាករ Glen Kamara។
ក្រុមដែលមានការរុះរើកីឡាករច្រើន Leicester បានរងបរាជ័យក្នុងលទ្ធផល ១-០ ក្រោមស្នាដៃក្រុម Legia Warsaw នៅទីក្រុងប៉ូឡូញ ស្របពេលដែលកំណត់ត្រាមិនស្គាល់ចាញ់របស់ក្រុម Napoli នៅរដូវកាលនេះ បានបញ្ចប់ក្រោមថ្វីជើងរបស់កីឡាករ Quincy Promes ខណៈដែលក្រុម Spartak Moscow បានយកឈ្នះក្នុងលទ្ធផល ៣-២ នាកីឡដ្ឋាន Diego Maradona។ ក្រុម Napoli កំពុងតែនាំមុខលើកំពូលតារាងនៃក្របខ័ណ្ឌអ៊ីតាលី Serie A ក្រោយពីមានកំណត់ត្រាឈ្នះ១០០% ប៉ុន្តែ ក្រុម Leicester បានជួបលទ្ធផលមិនសូវល្អឡើយនៅរដូវកាលនេះ។
លោកគ្រូបង្វឹក Brendan Rodgers បានផ្លាស់ប្តូរកីឡាករជាច្រើនក្នុងជម្រើសដំបូងរបស់លោក នៅមុនពេលការប្រកួតនៅលើទឹកដីក្រុម Crystal Palace នៅថ្ងៃអាទិត្យ ហើយការផ្លាស់ប្តូររបស់លោកមិនបានទទួលផ្លែផ្កាឡើយ៕
ប្រភពព័ត៌មាន៖ Channel News Asia