បរទេស៖ លោក Carlo Ancelotti ដែលជាគ្រូបង្វឹក បាននិយាយថា ក្រុម Real Madrid បានរងបរាជ័យ «ដ៏អាក្រក់មើលបំផុតនៅរដូវកាលនេះ» តាមរយៈការរងបរាជ័យជាលើកដំបូងក្នុងក្របខ័ណ្ឌ La Liga នៅរដូវកាលនេះ ដោយបានចាញ់ក្នុងលទ្ធផល ២-១ លើទឹកដីក្រុម Espanyol កាលពីថ្ងៃអាទិត្យ ក្រោយពីបានជួបការខកចិត្តក្នុងក្របខ័ណ្ឌ Champions League។
ក្រុម Real ដែលបានរងបរាជ័យក្រោមស្នាដៃក្រុមម្ចាស់ជើងឯកម៉ុលដាវី Sheriff Tiraspol កាលពីថ្ងៃអង្គារនោះ បានខ្ជះខ្ជាយឱកាសឡើងឈរពីលើក្រុម Atletico Madrid ដែលបានផ្តួលក្រុម Barcelona ក្នុងលទ្ធផល ២-០ កាលពីថ្ងៃសៅរ៍ ដើម្បីតាមស្មើពិន្ទុជាមួយនឹងក្រុម Real ដែលមាន១៧ពិន្ទុ។ Real Sociedad ក៏មាន១៧ពិន្ទុផងដែរ ក្រោយពីបានពួកគេបានបាត់បង់ឱកាសក្នុងការឡើងឈរលើកំពូលតារាង នៅពេលដែលពួក គេបានបញ្ចប់ក្នុងលទ្ធផលស្មើ ១-១ ជាមួយនឹងក្រុម Getafe កាលពីថ្ងៃអាទិត្យ។
ក្រោយពីការរងបរាជ័យនេះ ដែលធ្វើឲ្យក្រុម Real មិនស្គាល់ឈ្នះសោះក្នុងចំណោមការប្រកួត៣លើក បន្ទាប់ពីពួកគេបានបញ្ចប់ក្នុងលទ្ធផលស្មើ ០-០ ជាមួយនឹងក្រុម Villarreal ក្នុងការប្រកួតកាលពីសប្តាហ៍មុន លោក Ancelotti បានឲ្យដឹងថា៖ «យើងមិនមានអ្វីច្រើនត្រូវនិយាយឡើយ។ នេះគឺជាការប្រកួតអន់បំផុតរបស់យើងនៅរដូវកាលនេះ»៕
ប្រភពព័ត៌មាន៖ Channel News Asia