បរទេស៖ អ្នកចាំទី Hugo Lloris កាលពីថ្ងៃព្រហស្បតិ៍ បានកោតសរសើរការបង្ហាញពីទម្រង់លេងយ៉ាងល្អរបស់ Kylian Mbappe ដើម្បីជួយឲ្យក្រុមបាល់ទាត់ជម្រើសជាតិបារាំង បំពេញការវាយបកតាមពីក្រោយ២គ្រាប់ នៅត្រឹមតង់ទី១ ដើម្បីផ្តួលក្រុមជម្រើសជាតិបែលហ្ស៊ិកក្នុងលទ្ធផល ៣-២ និងឈានទៅវគ្គផ្តាច់ព្រ័ត្រនៃយុទ្ធនាការ Nations League។
កីឡាករ Theo Hernandez បានរកគ្រាប់បាល់ឈ្នះ ដើម្បីជួយឲ្យក្រុមរបស់ខ្លួនឈានទៅជួបក្រុមជម្រើសជាតិអេស្ប៉ាញនៅថ្ងៃអាទិត្យ នាកីឡដ្ឋាន San Siro ប៉ុន្តែ Mbappe គឺជាអ្នកបង្កើតឲ្យមានការវាយបកនៅក្នុងតង់ទី២ ក្នុងការបង្ហាញខ្លួនជាលើកទី៥០របស់គេសម្រាប់ក្រុមជម្រើសជាតិបារាំង។ Mbappe ដែលជាកីឡាករវ័យក្មេបំផុតដែលបានបង្ហាញខ្លួនបាន៥០លើកសម្រាប់ក្រុមជម្រើសជាតិបារាំងនោះ បានបញ្ជូនបាល់យ៉ាងល្អ ដែលនាំឲ្យ Karim Benzema កាត់បន្ថយគ្រាប់បាល់ដេញតាមពីក្រោយ នៅនាទី ទី៦០ និងបានស៊ុតបាល់ប៉េណាល់ទីបញ្ចូលទីយ៉ាងល្អ ដើម្បីតាមស្មើនៅនាទី ទី៦៩។
Lloris បានប្រាប់អ្នកយកព័ត៌មានថា៖ «ការទទួលយកការទទួលខុសត្រូវបែបនេះ ក្នុងដំណាក់កាលដ៏សំខាន់ក្នុងការប្រកួត ពិតជារឿដ៏អស្ចារ្យ។ ពិតណាស់ រូបគេមានទេពកោសល្យដ៏អស្ចារ្យ ប៉ុន្តែ នៅខាងក្រោយនោះគឺថា រូបគេមានស្មារតីឈ្នះ។ យើងទាំងអស់ពិតជារីករាយណាស់ចំពោះរូបគេណាស់»៕
ប្រភពព័ត៌មាន៖ Channel News Asia
