បរទេស៖ កីឡាករឆ្នើមក្រុមជម្រើសជាតិ ប៊ែលហ្សិកពីររូបគឺ Romelu Lukaku និង Eden Hazard នឹងអវត្តមានក្នុងការប្រកួតជម្រុះពានរង្វាន់ Nations League ដើម្បីយកថំណាត់ថ្នាក់លេខ៣នៅវេលាម៉ោង៨យប់នារាត្រីថ្ងៃអាទិត្យនេះ ជាមួយអ៊ីតាលីដោយសារតែបញ្ហារបួសសរសៃពួរសាច់ដុំ ។
ខ្សែប្រយុទ្ធ Lukaku របស់ក្រុមតោខៀវ Chelsea ដែលនឹងត្រលប់ទៅបែលហ្ស៊ិកវិញក្នុងស្ថានភាពល្អប្រសើរជាងបន្តទៅទីក្រុង ក្រុងឡុងដ៍ប៉ុន្តែគ្រូបង្វឹក Roberto Martinez បានលើកឡើងថារវាងពួកគេទាំងពីរគឺមិនមានលក្ខណ្ឌសុខភាពនិងស្ថានភាពដែលល្អប្រសើរក្នុងការវិលត្រលប់មកជួយក្រុមវិញបាននោះទេហើយពួកគេកំពុងចាកចេញពីជំរំក្រុមជម្រើសជាតិ ដោយសារបញ្ហាទាំងនេះ។
ទោះយ៉ាងណាLukaku បានបង្ហាញខ្លួនចូលលេងពេលចាញ់បារាំងនៅវគ្គ ពាក់កណ្តាលផ្តាច់ព្រ័ត្រ កាលពីថ្ងៃព្រហស្បតិ៍ប៉ុន្តែក៏មានឪកាសរកគ្រាប់បាល់ផងដែរ ។គ្រូបង្វឹកសញ្ជាតិអេស្បាញបានបន្ថែមថាៈជាក់ស្តែងទំនាក់ទំនងនិងការយល់ដឹងពីស្ថានភាពរបួសរវាងក្រុមគ្រូពេទ្យនិងអ្នក ទាំងពីរគឺជារឿងចាំបាច់បំផុត ។រាល់ការសម្រេចចិត្តក៏ត្រូវបានធ្វើឡើងដោយមានការព្រមព្រៀងជាមួយក្លឹបផងដែរ។ ក្រុមតោខៀវ Chelsea នឹងទៅជួបម្ចាស់ផ្ទះ Brentford នៅថ្ងៃសៅរ៍ក្រោយសម្រាប់ការប្រកួតក្របខណ្ឌPremier League សប្តាហ៏ទី៨៕
ប្រភពព័ត៍មាន៖ BBC