បរទេស៖ Juventus មានបំណងចង់ខ្ចីជើងខ្សែបម្រើ Donny van de Beek របស់ក្រុមបិសាចក្រហម Manchester United នៅខែមករាខាងមុខនេះមុននិងពិចារណាទិញផ្តាច់ជាអចិន្រ្តៃយ៏។ ខ្សែបម្រើអន្តរជាតិហូឡង់រូបនេះបន្តការផ្សារភ្ជាប់យ៉ាងខ្លាំងជាមួយនឹងការចាកចេញពីទឹកដី Old Trafford ក្រោយតស៊ូជាមួយទម្រង់លេងនិងជម្រើស១១នាក់ដំបូងមិនទទួលបានជោគជ័យក្រោយចាកចេញពីក្លឹបយក្សហូឡង់ Ajax នៅខែកញ្ញាឆ្នាំ ២០២០។
រដូវកាលនេះកីឡាករវ័យ ២៤ ឆ្នាំសញ្ជាតិហូឡង់ចូលលេងបានតែ ៣ ប្រកួតប៉ុណ្ណោះហើយលេងបានតែ ៦ នាទីប៉ុណ្ណោះនៃការប្រកួតបាល់ទាត់ក្របខ័ណ្ឌ Premier League សម្រាប់៧សប្តាហ៏នៅរដូវកាលនេះ។
ក្រៅពីក្លឹបយក្សអ៊ីតាលីខាងលើមានក្លឹបនៅអង់គ្លេស២ផ្សេងទៀតដូចជាៈEverton និង Newcastle United ក៏បានសម្តែងការចាប់អារម្មណ៏ចង់បានអតីតបេក្ខភាពបាល់មាស ឆ្នាំ ២០១៩រូបនេះមករួមក្រុមពួកគេផងដែរ។ផ្ទូយទៅវិញគ្រូបង្វឹក Man United លោក Ole Gunnar Solskjaer នៅស្ទាក់ស្ទើរក្នុងការអនុញ្ញាតឱ្យអតីតកីឡាករវ័យក្មេង រូបនេះចាកចេញនៅខែមករាខាងមុខនេះព្រោះតែគ្រូបង្វឹកអន្តរជាតិ ន័រវេសចង់បន្តប្រើប្រាស់ De Beek សម្រាប់ជួយក្រុមពេញជាមួយគ្នាពេញមួយរដូវកាល៕
ប្រភពព័ត៍មាន៖ Sportsmole