បរទេស៖ លោក Gareth Southgate ជឿជាក់ថា បរិយ៉ាងកាសដ៏រីករាយជាមួយនឹងក្រុមបាល់ទាត់ជម្រើសជាតិអង់គ្លេស បានជួយឲ្យ Harry Kane ទម្រង់លេងដ៏មុតស្រួចរបស់គេនៅតំបន់ប្រយុទ្ធ ក្នុងកម្រិតអន្តរជាតិ បើទោះបីខ្សែប្រយុទ្ធរូបនេះ បានជួបភាពត្រដាបត្រដួស ក្នុងក្រុម Tottenham ក៏ដោយ។
Kane នៅតែត្រូវរង់ចាំគ្រាប់បាល់ជាលើកដំបូងរបស់គេក្នុងក្របខ័ណ្ឌ Premier League នៅរដូវកាលនេះ ហើយការមានទម្រង់លេងខុសគ្នាស្រឡះក្នុងកម្រិតក្លិបរបស់គេ បាននាំឲ្យមានការលើកឡើងថា រូបគេនៅតែមិនទាន់មានអារម្មណ៍មូល ក្រោយពីបានបរាជ័យក្នុងការផ្ទេរទៅកាន់ក្លិប Manchester City នៅរដូវក្តៅនេះ។ ប៉ុន្តែ ទោះបីជាយ៉ាងណា ប្រធានក្រុមនៃក្រុមជម្រើសជាតិអង់គ្លេសរូបនេះ បានបន្តបង្ហាញពីទម្រង់លេងយ៉ាងល្អក្នុងកម្រិតអន្តរជាតិ តាមរយៈការស៊ុតបាល់បញ្ចូលទី៣គ្រាប់ ក្នុងការប្រកួត៣លើកកាលពីខែមុន ហើយរូបគេជឿជាក់ខ្ពស់ចំពោះការរកបានគ្រាប់បាល់ក្នុងការប្រកួតជម្រុះជាលើកទី១៦លើកជាប់ៗគ្នា នៅពេលដែលក្រុមរបស់លោក Southgate ធ្វើជាម្ចាស់ផ្ទះទទួលក្រុមជម្រើសជាតិហុងគ្រី កាលពីថ្ងៃអង្គារ។
លោក Southgate បានឲ្យដឹងថា៖ «អ្វីដែលកើតឡើងជាមួយនឹងក្លិបរបស់គេ មិនមែនជារឿងរបស់ខ្ញុំឡើយ។ ចំពោះចំណុចដែលយើងចង់ឲ្យរូបគេធ្វើ ខ្ញុំគិតថា យើងបានដោះស្រាយរបៀបលេងនៅទីនេះ។ មិត្តរួមក្រុមរបស់គេស្គាល់រូបគេច្បាស់ រូបគេស្គាល់ពីមិត្តរួមក្រុមរបស់គេ។ ហេតុនេះ គេដឹងពីរបៀបដែលយើងត្រូវលេង»៕
ប្រភពព័ត៌មាន៖ Channel News Asia