បរទេស៖ Cristiano Ronaldo បានបោះជំហានដល់ការបំបែកឯតទគ្គកម្មមួយទៀតខណៈកីឡាករវ័យ ៣៦ ឆ្នាំរូបនេះរកបាន៣ គ្រាប់ក្នុងជ័យជម្នះ ៥ទល់និង០ របស់ព័រទុយហ្គាល់លើក្រុមលុចសំបួរកាលពីល្ងាចថ្ងៃអង្គារដោយក្លាយជាកីឡាករដំបូងគេក្នុងបាល់ទាត់អន្តរជាតិបុរសដែលធ្វើបាន Hat-trick ១០ ដងសម្រាប់ជម្រើសជាតិ ។ Ronaldo បានរកគ្រាប់បាល់ប៉េណាល់ទីពីរគ្រាប់នៅនាទីទី ១៣ មុនពេល តែតបាល់បញ្ចូលនៅនាទីទី ៨៧ សម្រាប់គ្រាប់ទី៣ខណៈ Bruno Fernandes និង Joao Palhinha ក៏បានរួមចំណែករកបានម្នាក់មួយគ្រាប់ផងដែរ។:focal(1227x235:1229x233)/origin-imgresizer.eurosport.com/2021/10/12/3235935-66235968-2560-1440.jpg)
ឥឡូវនេះខ្សែប្រយុទ្ធក្រុមបិសាចក្រហម Man. United នៅសល់តែ ៣ គ្រាប់ទៀតប៉ុណ្ណោះពីកំណត់ត្រាសម្រាប់ការរកគ្រាប់បាល់បានច្រើនបំផុតក្នុងប្រវត្តិសាស្ត្រវគ្គជម្រុះ World Cup ។ Carlos Ruiz កីឡាករដែលធ្លាប់លេងអោយក្រុមហ្គាតេម៉ាឡានៅចន្លោះឆ្នាំ ១៩៩៨ និង ២០១៦ បានស៊ុតបញ្ចូលទី ៣៩ គ្រាប់ក្នុងការប្រកួតជម្រុះខណៈបច្ចុប្បន្ន Ronaldo រកបាន ៣៦ គ្រាប់។
ព័រទុយហ្កាល់និងត្រូវប្រកួតជាមួយសាធារណរដ្ឋអៀរឡង់និងស៊ែប៊ីនៅខែវិច្ឆិកាដូច្នេះគាត់នឹងមានឱកាសបន្ថែម និង អាចបំបែកកំណត់ត្រាថ្មីបន្ថែមទៀត។កាលពីខែកញ្ញាRonaldo បានក្លាយជាកីឡាករ បាល់ទាត់អន្តរជាតិផ្នែកបុរសដែលរកបានគ្រាប់បាល់ច្រើនបំផុតដោយបំបែកកំនត់ត្រាវីរបុរសអឺរ៉ង់Alei Daeiពេលរកបាន ២ គ្រាប់ទល់នឹងសាធារណរដ្ឋអៀរឡង់៕
ប្រភពព័ត៍មាន៖ Sportsmole
