បរទេស៖ បេក្ខភាពទាំង៣០នាក់ដែលអាចពានបាល់មាស Ballon d’Or ត្រូវបានប្រកាសឲ្យដឹងនៅសប្តាហ៍នេះ ខណៈដែលវាត្រូវបានគេរំពឹងទុកថា គឺជាការប្រជែងគ្នាដែលមានលក្ខខណៈបើកចំហមួយ។
បើទោះបីពានរង្វាន់ឯកជនដ៏ធំបំផុតក្នុងកីឡាបាល់ទាត់មួយនេះ ជាទូទៅត្រូវបានគ្រប់គ្រងដោយតារាឆ្នើម Lionel Messi និង Cristiano Ronaldo អស់រយៈពេល១ទសវត្សរ៍ រហូតដល់បច្ចុប្បន្នក៏ដោយ ឈ្នះនេះ គួរតែអាចមានបេក្ខភាពផ្សេងក្នុងការប្រជែងជាមួយនឹងកីឡាករទាំង២។ ខ្សែបម្រើដ៏ឆ្នើម Luka Modric បានកាត់ផ្តាច់ការគ្រប់គ្រងរបស់តារាឆ្នើមទាំង២នាក់ ប៉ុន្តែ ក្រោយពីការផ្លាស់ប្តូរក្លិបរៀងៗខ្លួនសម្រាប់ទាំង Messi និង Ronaldo នៅរដូវក្តៅនេះ វាអាចទៅរួចដែលកីឡាករផ្សេងម្នាក់ទៀត ចូលរួមជាមួយនឹង Modric ដើម្បីបង្កើតការភ្ញាក់ផ្អើល។
បើទោះបី Messi ទំនងដូចជាបេក្ខភាពឈានមុខគេក្នុងការឈ្នះពានបាល់មាសមួយផ្សេងទៀតក៏ដោយ ប៉ុន្តែ តារាឆ្នើម Robert Lewandowski របស់ក្លិប Bayern Munich ក៏ជាបេក្ខភាពមិនអាចមើលរំលងបានផងដែរ។ Lewandowski ដែលបានស៊ុតបាល់បញ្ចូលទី៤១គ្រាប់ ដើម្បីជួយឲ្យ Bayern លើកពាន Bundesliga សម្រាប់រដូវកាលឆ្នាំ២០២០-២០២១នោះ បានឲ្យដឹងថា៖ «ការដែលអាចឈ្នះពាន Ballon d’Or ពិតជាមានន័យណាស់សម្រាប់ខ្ញុំ។ វាធ្វើឲ្យខ្ញុំមានមោទនភាពណាស់»៕
ប្រភពព័ត៌មាន៖ Givemesport