បរទេស៖ កីឡាករបាល់ទាត់ដ៏ល្បីល្បាញជិត២ទសវត្សរបស់ក្រុមបិសាចក្រហម Man Utd គឺ Cristiano Ronaldo បានបញ្ជាទិញរថយន្តមួយគ្រឿងក្នុងចំណោមរថយន្តដែលគេជឿជាក់ថាបានផលិតមកត្រឹមតែ ១០ គ្រឿងប៉ុណ្ណោះយោងតាម Bild បានចុះផ្សាយ។ រថយន្តទំនើបបំផុតម៉ាក Bugatti Centodieci ដែលនឹងត្រូវប្រគល់ឱ្យប្រធានក្រុមជម្រើសជាតិព័រទុយហ្គាល់ដែលជាម្ចាស់កម្មសិទ្ធិនៅឆ្នាំ ២០២២ ខាងមុខនេះមានតម្លៃរហូតដល់ទៅ ៩.៥ លានអឺរ៉ូឯណោះ។
គួរបញ្ជាក់ថាប្រធានក្រុមជម្រើសជាតិព័រទុយហ្គាល់វ័យ៣៦ឆ្នាំរូបនេះ មានចំណូលចិត្តចំពោះប្រភេទរថយន្តស្ពតនិងរថយន្តទំនើបអស់ជាច្រើនឆ្នាំមកហើយ។អតីតខ្សែប្រយុទ្ធស្លាបក្រុមអធិរាជសReal Madrid និង Juventus និង ជាម្ចាស់ពានបាល់មាស៥សម័យរូបនេះ ត្រូវបានចាត់ទុកជាអត្តពលិកដែលរកប្រាក់ចំណូលបានច្រើនបំផុតនៅលើពិភពលោកនាពេលបច្ចុប្បន្នដែលប្រាក់ចំណូលបានមកពីការលេងបាល់ទាត់ និង កិច្ចសន្យាថតផ្សាយពាណិជ្ជកម្មអោយក្រុមហ៊ុនយីហោកីឡាកម៉ាកល្បីៗផ្សេងៗជាច្រើនទៀត ។
រថយន្តដែលជាបច្ចេកវិទ្យារកឃើញដោយជនជាតិអ៊ីតាលីប៉ុន្តែផលិតឡើងដោយក្រុមហ៊ុនFrench Automotive Manufacturer អាចរត់បានល្បឿនរហូតដល់ទៅ១០០ គីឡូម៉ែត្រក្នុងមួយម៉ោងដោយប្រើថេរវេលាត្រឹមតែ ២,៤ វិនាទីឯណោះ។ គួររំលឹកផងដែរថា Cristiano Ronaldo គឺមានរថយន្តប្រណិតផ្ទាល់ខ្លួនដូចជា Bentley Continental GTC រឹត្រូវបានគេស្គាល់ថា McLaren Senna ដែលគាត់បានទិញកាលពីឆ្នាំមុនក្នុងតម្លៃប្រមាណ ៨៨៥.០០០ អឺរ៉ូ៕
ប្រភពព័ត៍មាន៖ Besoccer
