បរទេស៖ គូប្រជែងនៅក្របខ័ណ្ឌ Premier League មានក្លឹបធំៗដូចជា Man. Utd, Liverpool, Chelsea និង Man. City បានកំពុងធ្វើការរួមគ្នាដើម្បីព្យាយាមនាំយកកីឡាកររបស់ពួកគេ ក្រោយមានភារកិច្ចលេងអោយក្រុមជម្រើសជាតិនៅតំបន់អាមេរិកខាងត្បូងដើម្បី បង្ហាញខ្លួនទាន់ពេលសម្រាប់ការប្រកួតលីកកំពូលនាចុងសប្តាហ៍នេះ។ កីឡាករមួយចំនួនមកពីប្រទេសប្រេស៊ីលនិងអ៊ុយរូហ្គាយនឹងហោះហើរត្រលប់មកកាន់ក្លឹបពួកគេរៀងៗខ្លួនវិញភ្លាមៗបន្ទាប់ពីការប្រកួតជម្រុះ World Cup របស់ពួកគេនៅទីក្រុង Manaus ដោយយន្តហោះឯកជនមួយត្រូវបានជួលដោយក្លឹប ។
គួរបញ្ជាក់ថាក្លិបចំនួន ៤ ខាងលើបានដុតដៃដុតជើងរៀបចំអោយកីឡាករពួកគេបានឆាប់វិលត្រលប់មក អង់គ្លេសវិញបន្ទាប់ពីចក្រភពអង់គ្លេសសម្រេចផ្លាស់ប្តូរការដាក់កីឡាករអោយនៅដាច់ដោយឡែកក្រោយវិលត្រលប់ពីប្រទេសដែលចាត់ទុកថាស្ថិតក្នុងបញ្ជីក្រហមនោះ។កីឡាករទាំង៩រូបនោះមានដូចជាៈ Fabinho និង Allision របស់ក្រុមហង្សក្រហមLiverpool ,Gabriel Jesus និង Ederson របស់ក្រុមMan.City ,Edinson Cavani និងFred របស់ក្រុមMan.Utd ព្រមទំាង Rafinha របស់Leeds Utd និង Thaigo Silva របស់ក្រុមតោខៀវChelsea។
ក្នុងនោះដែរEmi Martinez របស់ក្រុម Aston Villa, Lo Celso របស់ Roma និង Romero, Cavani របស់ United និង Miguel Almiron របស់ Newcastle នឹងមិនត្រូវដាក់អោយធ្វើចត្តាឡើស័ករយៈពេល ១០ ថ្ងៃនោះទេ៕