បរទេស៖ ក្រុមហង្សក្រហម Liverpool បានរារាំងការវាយបករបស់ក្រុម Atletico Madrid ដើម្បីកត់ត្រាជ័យជម្នះក្នុងលទ្ធផល ៣-២ ហើយតារាឆ្នើម Lionel Messi បានស៊ុតបាល់បញ្ចូលទី២គ្រាប់ ខណៈដែលក្រុម Paris Saint-Germain បានវាយបកដេញតាមពីក្រោយដើម្បីផ្តួលក្រុម RB Leipzig ក្នុងលទ្ធផលដូចគ្នា នៅរាត្រីនៃការប្រកួតក្របខ័ណ្ឌ Champions League ដ៏រំភើបកាលពីថ្ងៃអង្គារ។
ក្នុងការប្រកួតផ្សេងទៀត ខ្សែប្រយុទ្ធ Karim Benzema បានស៊ុតបាល់បញ្ចូលទីឲ្យ ក្រុម Real Madrid ខណៈដែលក្រុមម្ចាស់ជើងឯកប្រចាំទ្វីបអឺរ៉ុបមួយនេះ បានលត់ក្រុម Shakhtar Donetsk យ៉ាងចាស់ដៃក្នុងលទ្ធផល ៥-០ ក្នុងប្រទេសអ៊ុយក្រែន នៅរយៈពេល១ថ្ងៃមុនពេលការចាប់ផ្តើមជំនំជម្រះក្តីរបស់គេនៅប្រទេសបារាំង លើការចោទប្រកាន់ពីបទគម្រាមតាមអនឡាញ។ ក្រោយពី Liverpool បានកត់ត្រាជ័យជម្នះលើទឹកដីក្រុម Atletico លោក បានឲ្យដឹងថា៖ «យើងបានលេងយ៉ាងរឹងមាំនៅតង់ទី២ ក្នុងការប្រកួតដ៏ស្វិតស្វាញក្នុងកីឡាបាល់ទាត់រវាងក្រុមទាំង២។
យើងបានទទួលបាល់ប៉េណាល់ទី បន្ទាប់មក មានការពិន័យកាតក្រហមហើយពិតណាស់ យើងមាសំណាងក្នុងការប្រកួតនេះ»។ Liverpool កំពុងតែនាំមុខលើកំពូលតារាងនៃពូល B ក្រោយពីឈ្នះ៣លើកពីការប្រកួតទាំង៣លើកស្របពេលដែល Atletico មាន៤ពិន្ទុស្មើជាមួយនឹងក្រុម Porto ដែលបានផ្តួលក្រុម AC Milan ក្នុងលទ្ធផល ១-០ នៅព័រទុយហ្គាល់៕
ប្រភពព័ត៌មាន៖ Channel News Asia
