បរទេស៖ ទីបំផុត Mohamed Salah បានចុះកិច្ចសន្យាថ្មីរយៈពេល ៣ ឆ្នាំជាមួយហង្សក្រហម Liverpoolហើយ។
ហើយបើយោងគេហទំព័រ BBC Sport បានចុះផ្សាយថា កិច្ចព្រមព្រៀងដែលមានប្រាក់ឈ្នួលដល់ទី ៣៥0,000 ផោនក្នុងមួយសប្តាហ៍ និងធ្វើឱ្យកីឡាករវ័យ ៣០ ឆ្នាំក្លាយជាកីឡាករដែលមានប្រាក់ឈ្នួលខ្ពស់បំផុតក្នុងប្រវត្តិសាស្ត្ររបស់ក្លឹបនៅ Merseyside ខណៈខ្សែប្រយុទ្ធអេហ្ស៊ីបនៅសល់កុងត្រាតែមួយឆ្នាំប៉ុណ្ណោះលើកិច្ចសន្យាចាស់។ លោក Jurgen Klopp បានបញ្ជាក់យ៉ាងដូច្នេះថា៖ «វាគឺជាការសម្រេចចិត្តដ៏ល្អបំផុតសម្រាប់ពួកយើង និងការសម្រេចចិត្តដ៏ល្អបំផុតសម្រាប់គាត់។ គាត់នៅជាមួយយើង ខ្ញុំគិតថានេះគឺជាក្លឹបរបស់គាត់តែមួយគត់។ វាជារឿងដ៏ពិសេសសម្រាប់អ្នកគាំទ្ររបស់យើង»។
គួរបញ្ជាក់ថា Salah បានស៊ុតបញ្ចូលទីបាន ១៥៦ គ្រាប់ក្នុងការបង្ហាញខ្លួន ២៥៤ដង ក្នុងអំឡុងពេលប្រាំឆ្នាំរបស់គាត់នៅ Anfield ចាប់តាំងពីផ្ទេរពីក្លឹប Roma មក៕
ប្រភពព័ត៍មាន៖ BBC
