បរទេស៖ Mohamed Salah បានបដិសេធសំណើរបស់ហង្សក្រហម Liverpool ក្នុងការស្កែនលើបញ្ហារបួសមុនការប្រកួតដែលខ្សែប្រយុទ្ធរូបនេះចូលលេងបាន ៩០ នាទីសម្រាប់ក្រុមជម្រើសជាតិអេហ្សីបរបស់គាត់នៅថ្ងៃអាទិត្យ។
កាពីតែនក្រុមវ័យ ២៩ ឆ្នាំរូបនេះបានដឹកនាំក្រុមយកឈ្នះ Guinea ក្នុងលទ្ធផល១ទល់និង០ ក្នុងទីក្រុង Cairo ខណៈអេហ្ស៊ីបបានចាប់ផ្តើមយុទ្ធនាការជម្រុះ Africa Cup of Nationsនៅឆ្នាំក្រោយ។ អ្នកចាត់ការ Ehab Galal បាននិយាយថា: Salah បានរងរបួស ប៉ុន្តែគាត់នៅតែបន្តលេង។ហើយការថតកាំរស្មី X smjrab’Salah នឹងធ្វើឡើងបន្ទាប់ពីការប្រកួតបញ្ចប់។ អេហ្ស៊ីបដែលគ្រោងនឹងធ្វើការប្រកួតជាមួយ អេត្យូពី នៅរដ្ឋធានី Lilongwe នៃ ប្រទេសម៉ាឡាវី នៅថ្ងៃទី ៩ ខែមិថុនា និងប្រកួតមិត្តភាពជាមួយកូរ៉េខាងត្បូង នៅថ្ងៃអង្គារនេះ។
ក្នុងអំឡុងពេលពាក់កណ្តាលទីមួយនៃការប្រកួតវគ្គផ្តាច់ព្រ័ត្រនៃពានរង្វាន់ FA Cup របស់ Liverpool លើក្រុម Chelsea កាលពីខែមុនខណៈ Salah ត្រូវបានប្តូរចេញដោយបញ្ហារបួសក្រលៀនបន្ទាប់ពីលេងបានត្រឹមតែ៣៣ នាទីប៉ុណ្ណោះ។ របួសក៏បានធ្វើឲ្យគាត់ត្រូវអវត្តមានពីការទទួលជ័យជម្នះក្រៅដីសម្រាប់ក្រុមនៅក្របខណ្ឌ Premier League ជាមួយ Southampton បីថ្ងៃក្រោយមកទៀតផងដែរ។ អនាគតរបស់ Salah នៅតែមិនច្បាស់លាស់ ខណៈដែលគាត់មិនទាន់បានចុះកុងត្រាថ្មីជាមួយក្លឹបនៅឡើយ បើទោះបីជាកិច្ចសន្យាបច្ចុប្បន្នរបស់គាត់នឹងបញ្ចប់នៅខែមិថុនា ឆ្នាំ ២០២៣ ក៏ដោយ។ម្ចាស់ស្បែកជើងមាសរដូវកាលចាស់ បាននិយាយមុនពេលការប្រកួតវគ្គផ្តាច់ព្រ័ត្រ Champions League ក្នុងខែឧសភា ថាគាត់នឹងនៅបន្តនៅ Anfield នៅរដូវកាលក្រោយប្រាកដណាស់ និងមិនមានអ្វីជាសម្ពាធសម្រាប់ស្ថានភាពបច្ចុប្បន្នរបស់គាត់ទេ៕
ប្រភពព័ត៍មាន៖ BBC